C Monaco chuan AC Milan nen inremna an neih hnuin Nottingham Forrest in 30m euros (£25.5m) senga France midfielder Youssouf Fofana lei an dilna an hnar. (Fabrizio Romano)
C Portugal midfielder Joao Palhinha chuan ni khat hnu lekah Fulham chhuahsanin Bayern Munich a zawm fel thei dawn. (Sky Germany)
C Football Association chuan an manager Gareth Southgate chu Euro 2024 final-ah an champion zo ta lo a nih pawhin an hnena cham chhunzawm turin an duh. (Mail)
C USA chuan Liverpool manager hlui Jurgen Klopp chu an manager ban tak Gregg Berhalter hmunruak luahtu atana an duh ber a ni. (Independent), external
C Klopp erawh chuan USA enkawl chakna a nei lova, club leh ram enkawl lova chawlh rih a duh zawk thung. (Athletic – subscription)
C Klopp hi an ram Germany pawhin an national team enkawltu atan an duh ve bawk. (Team Talk)
C Al-Ittihad chuan kum 25 mi Aston Villa leh France winger Moussa Diaby an la fel thei tep tawh. (Yahoo)
C Al-Ittihad leh kum 32 mi Manchester United leh Brazil midfielder Casemiro te chu an indawr mek. (L’Equipe – in French)
C Kum 24 mi Bayern Munich leh Netherlands defender Matthijs de Ligt chuan Manchester United zawm thuai thuai a duh. (Sky Sports)
C Bayern Munich chuan an defender De Ligt man atan hian 50m euros (£42.1m) an chhiar. (90min)
C Paris St-Germain chuan Manchester United in €60m senga lak an tum Portugal international midfielder Joao Neves manah €70m an tawktarh. Benfica chuan kum 19 mi hi a lakchhuah theihna zat €120m hlat lo thei ang bera hralh an duh ve thung. (A Bola – in Portuguese)
Arsenal chuan Italy defender Riccardo Calafiori manah €40m pek phawt a, €10m pek belh leh theih turin an dawr a. Bologna chuan Euro 2024 atanga star thar Calafiori manah hian €50m bakah Arsenal in an hralh lehna atanga hlep lo neih ve leh theih an duh thung a, club pahnihte hi an indawr chhunzawm zel. (Sky Sports Italia)l
Crystal Palace chuan England winger Eberechi Eze chu Tottenham emaw Manchester United emaw hnenah hralh an duh lo. (Football Insider)
Nice chuan kum 22 mi Luton Town defender Teden Mengi lak tumin an ngaihven. (Foot Mercato – in French)
Arsenal chuan Ajax hnenah kum 18 mi English goalkeeper Tommy Setford lei dilna an thehlut. (Fabrizio Romano)
Benfica chuan Paris St-Germain leh Manchester United ten kum 19 mi Portugal midfielder Joao Neves lei an dilna an hnar ve ve. (A Bola – in Portuguese)