C Manchester United manager thar Ruben Amorim chuan Old Trafford-a player a lak luh hmasak ber ni turin kum 33 mi Juventus defender Danilo chu January thlaah lak luh a tum. Brazilian defender hian season tawp hunah Juventus-a a contract a hmang zo dawn. (Mirror)
C Arsenal chuan Sporting defender Ousmane Diomande lak tumin an dawr. Kum 20 mi Ivory Coast international hi Chelsea leh Bayern Munich te pawhin an ngaihven ve bawk. (Metro)
C Brazilian defender Eder Militao a inhliam vangin a hmunruak luah lailawktu atan Real Madrid chuan an defender ropui ni thin Sergio Ramos chu hmanhmawh takin lak kir leh an rilruk. (Fichajes – in Spanish)
C Barcelona an rawlthar duhawm Lamine Yamal duh dan hrethiamin Liverpool leh England defender Trent Alexander-Arnold an ngaihven zui tawh dawn lo. (Football365)
C Barca manager Hansi Flick chuan defender Alphonso Davies chu a khelh mekna Bayern Munich ah contract thar a ziak lo a nih chuan lak a duh. Hetihlai hian kum 24 mi Davies lak tuma intlansiaknaah Real Madrid in hma an hruai mek nia ngaih a ni a. Manchester City pawhin Canada captain hi an ngaihven ve tho bawk. (Christian Falk)
C Liverpool chu £58 senga Egypt leh Eintracht Frankfurt forward Omar Marmoush lei turin an inhmakhua. (Fichajes – in Spanish)
C France midfielder Aurelien Tchouameni chungchangah Real Madrid leh Liverpool ten inremna an nei thei tep tawh. (Teamtalk)
C Manchester City chuan an muallai an thuam chak tura ngaih a ni a, Real Sociedad midfielder Martin Zubimendi lak an tum. Liverpool pawhin Spaniard hi an ngaihven ve tho bawk. (Football Insider)
C Brazil football association President chuan an ram team enkawl turin Pep Guardiola an dawr niawma thuthang awm chu a pha. (Globo, via Goal)
C Ivan Juric hnuaiah bul an tan chhiat em vangin Roma chuan Italy leh Manchester City boss hlui Roberto Mancini an dawr. (Sky Sports Italy)
C Manchester United manager thar Amorim chuan January thlaah chuan a club hlui Sporting player lak tumin tumah dawr a tum lo. Hei vang hian Manchester City, Arsenal leh Paris St-Germain ten Sweden striker Viktor Gyokeres lak theihna hun tha an nei thei tuar angaih a ni. (Mirror)
C Amorim hian kum 17 mi Norwegian midfielder Sverre Nypan chu Rosenborg atanga lak tumin a ngaihven. (GiveMeSport)
C Arsenal chuan Serie A season kal mekah Como tan vawi 11 khel a, assist vawi li nei tawh Como leh Argentina midfielder Nico Paz lak tumin an ngaihven. (Fichajes – in Spanish)
C Spain full-back Sergio Reguilon chuan January thlaah amah ngaihventu Sevilla emaw Getafe emaw zawk zawk a zawm ngei theih nan Tottenham-a a contract tihtawpsak a tum. (Caught Offside)
C Aston Villa chuan Real Betis player pahnih USA midfielder Johnny Cardoso leh Spanish defender Diego Llorente te lak an duh a. Mah se, Tottenham Hotspur in an chuhpui ngei tura ngaih a ni thung. (Ficherio – in Spanish)
C Tottenham, West Ham leh Chelsea chu Gent defender Archie Brown hmasawnna in a hip viau mai. Mah se kum 20 mi hian kum 2027 hmain Belgiant club-a a contract a hman zawh hmel rih lo thung. (TBR Football)
C Kum 15 mi chauh a nih laia senior team tan bul tan tawh Dinamo Tbilisi left-back Saba Kharebashvili chu Real Madrid leh Barcelona ten an hmutai dun hle. (AS – in Spanish)
C Slovenia striker Benjamin Sesko chu RB Leipzig te chuan inrintawnna nen inremna an nei a. Sesko hian nipui bazar inhawn hunah 70m-75m euros (£58m-£62m) a dawrtu a nei a nih chuan a chhuak thei dawn. (Philipp Hinze, Sky Sports Germany)
C AC Milan chuan Manchester City leh Tottenham in an ngaihven Netherlands midfielder Tijjani Reijnders chu chelh ngei an duh a, a hlawh lak mek let zeta tam pek an huam. (Calciomercato – in Italian)
C An intlansiaknaah Bayern Munich in hmahruai bawk mah se Manchester City chuan Inter Milan midfielder Hakan Calhanoglu chu lak tumin an la ngaihven chhunzawm ve zel. (Caughtoffside)
C Arsenal boss Mikel Arteta chuan an sporting director chhuak ta Edu hmunruak luahtu tur a puangchhuak thei tep tawh. (Times – subscription required)
C Liverpool leh Bayern Munich te chu Egypt striker Omar Marmoush an la duh tak zet a nih chuan a manah £50m an sen ngei a ngaih tur thu an hrilh. (Fussball News – in German)
C Real Madrid in lak tuma an dawr a nih chuan Tottenham defender Cristian Romero chuan Real Madrid pan a hreh lo viau. (GiveMeSport – subscription required)
Paris St-Germain chuan Sweden forward Viktor Gyokeres chu goal thun thei viau mah se lak tumna an nei lo. (Le Parisien – in French)
Arsenal chuan £55m senga lakchhuah theih tur RB Leipzig leh Slovenia forward Benjamin Sesko an la ngaihven reng. (Mail – subscription required)
Paris St-Germain chuan Premier League leh Bundesliga atanga ngaihventu nei France striker Randal Kolo Muani chu January thlaah chhuah an phalsak dawn. (RMC Sport – in French)
Bayern Munich chuan Bayer Leverkusen leh Germany midfielder Florian Wirtz an ngaihve a. Wirtz manah Germany Under-21 midfielder Paul Wanner pek tel an phal bawk. (Christian Falk)
Pep Guardiola chuan Manchester City boruak tlahniam mek chawk nung a, an chetthat leh thuai theih nan January thlaah Atalanta defensive midfielder Ederson lak luh a duh. (i – subscription required)
Fenerbahce head coach Jose Mourinho chuan Premier League-ah hna zawh loh a la nei niin a inngai a. Newcastle United in an manager Eddie Howe an ban a nih chuan Mourinho hian St James’ Park pan a duh. (Guardian)
Newcastle United chuan £50m sengin Brentford leh Cameroon forward Bryan Mbeumo lak tumin hma an la. (Football Insider)
Bayern Munich chuan Sporting leh Sweden forward Viktor Gyokeres chu nipui bazar inhawn hunah chhuak thei mai dawn niin an ngai a, an thlithlai ulul ta hle. (Sky Germany)
Barcelona chuan Liverpool hmakhalhin Borussia Dortmund leh Germany forward Karim Adeyemi lak theih an inbeisei a. Adeyemi manah hian Spain winger Ferran Torres pek thel theih an inbeisei bawk. (Fichajes – in Spanish)
Barcelona bakah club lian eng emawzatin lak tuma an ngaihven left-back Alphonso Davies chu Bayern Munich hi chelh ngei tumin cpntract thar an zawrh. (Bild – in German)
Bayer Leverkusen centre-back Jonathan Tah, chuan season tawpa contract a hman zawh hunah club lian zawk zawm theihna hun tha a nei dawn a. Bayern Munich chu a club thar ni tura rinkai ber a ni mek. (Sky Germany, via Welt am Sonntag)