Lok Sabha chuan sawihlawh Forest Consevation (Amendment) Bill, 2023 chu July 26 khan a pawm fel ta a.
Forest Conservation (Amendment) Bill hi parliamentary joint committee tena an pawm tlan hnu niruk lekah Lower House chuan a pawmfel zui a ni.
Eng vangin nge he bill sian sawi leh sel a hlawh? Danin a sawi dan?
Forest Conservation Act of 1980 chuan state sorkar chu Centre-in remtihna a pek loh chuan forest land chu non-forest thilah a hman a khap a. He thila state sorkar order kalh duh emaw an awm chuan National Green Tribunal hnenah an zualko thei ang tih a ni.
He Bill Nilainia pawm thar tak hian forest land thenkhatte chu a telh ta lo a ni. Preamble a siamah India-in Nationality Determined Contribution target a neih chu tarlangin ‘kum 2030 ah carbon sink 2.5 atanga 3.0 billion tons of CO2 siam belh a tum’ a ti.
Nationally Determined Contribution tih hi Paris Agreement of 2015 hnuaia khawvel ram hrang hrang tena climate siamtha tura intiamna an siam a ni.
He bill-a Statement of Objects and Reasons chuan national importance tling pha strategic leh security kaihhnawih project te chu fast-track ngai a ti a, a bik takin international borer areas leh left-wing extremism-in a bawh buaiah a ngai zual a ti.
He dan hi kalpui a nih hunah chuan forest land category thekhatte chuan legal protection a nei tawh dawn lo :
1. Railtrack emaw public road hrula ram 0.10 hectares chin te
2. International Border, Line of Control or Line of Actual Control atanga ram 100 kilometres huam chhung te. Heng ram leh hmun te hi ‘strategic linear project of national importance leh national security kaihhnawih siam nana hman tur’ tih a ni.
3. Ram 10 hectares vel thleng chu security kaihhnawih infrastructure siam nana hman tur tih a ni bawk a.
4. Left-wing extremism-in a huam chhung ram five hectares thleng te chu heng ram te hi defence-related project atan te, paramilitary forces emaw public utility project atan Centre-in a duh anga hman tur tih a ni bawk.
Heng ramte hi he danin a huam loh tur niin mahse heng hmun thing kih thluk zat ang te chu hmun dangah phun tur tih a ni bawk a. Central sorkar chuan thing kihthluk te aia phun belh tur chungchangah guidelines siam a ni ang, a ti bawk.
Bill chungchang sawinaah Union Environment Minister Bhupender Yadav chuan India chuan carbon sink 2.5 atanga 3.0 billion tons of CO2 chu a la tihlawhtling lo, a ti a.
“He mi tihlawhtling tur hian agroforestry kan thlur bing a, thing kan tihpun a ngai a, tichuan biodiversity tihchak a ni ang,” tiin a sawi.
Sawiseltute sawiselna
Environmentalist tam tak te chuan he Bill hian forest land te commercial exploitation atana hawnna a ni, an ti a. Bill a “central sorkarin public utility atan” tia a sawi chu kawh nei tam lutuk leh hman sual theih, an ti bawk.
Sorkar official hlui te chuan border area a forest land 100 km thlenga strategic thila hman theih tihah ngaih thatlohna an neih thu an sawi bawk a.
Principal Chief Conservator of Forests hlui BK Singh chuan he dan hmang hi chuan North East region of India leh Himalyan region pum deuhthaw ecologically sensitive leh wildlife species tam tak awmna chu a huam tel vek dawn, a ti bawk.
July 12 khan civil servant hlui 100 chuang te chuan Parliament chu he amendment hi remti lo tura ngenin dik lo leh fel lo tam tak a awm a ni, an ti bawk a. He amdendment hi forest land te non-forest thila phalraina tur a ni tiin, an duh lo hle thung.