Future, Metro Boomin & Kendrick Lamar ‘Like That’ duhtu an tam ber

Future, Metro Boomin & Kendrick Lamar ‘Like That’ duhtu an tam ber
Future, Metro Boomin leh Kendrick Lamar te hla ‘Like That’ chu kar khat chhunga khawvel huapa hla lar ber niin, Billboard Global 200 chart-ah a No.1 a, Future, Metro Boomin leh Lamar te tan he chart-a an vawi khat No.1-na theuh a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian khawvel ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
‘Like That’ hian kar khat chhungin stream maktaduai 91 leh download sales 10,000 a nei thei a, hei hi chart-ah a No.1 pui ta a ni. Hetihrual hian Future leh Boomin te hla dang Travis Scott leh Playboi Carti te an thawhpuina hla ‘Type Shit’ chuan stream maktaduai 56.1 nei theiin, chart No.6 a kai a, Travis Scott an thawhpuina hla dang ‘Cinderella’ pawhin stream maktaduai 43.2 neiin, No.8 a ni bawk. Heng hla pathum te hi Future leh Metro Boomin te album intawm ‘We Don’t Trust You’ album a hlate an ni.
Heti hian Travis Scott hian chart top 10 a lang thei hla 10 a nei tling ta a, Future-a’n hla pariat neiin, Lamar tan a palina a ni a, Playboi Carti tan a pathumna a ni bawk.
Chart No.1 hlui Benson Boone ‘Beautiful Things’ chu No.1 atangin No.2-ah a tawlh a, chart No.1 hlui bawk Ariana Grande ‘We Can’t Be Friends (Wait for Your Love)’ chu No.2 atangin No.3-ah a tawlh a, Djo ;End Beginning’ chu No.3 atangin No.4-ah a tawlh a, Teddy Swims ‘Lose Control’ pawh No.4 atangin No.5-ah a tawlh ta bawk.
Hozier hla thar ‘Too Sweet’-in stream maktaduai 43 leh download sales 5000 neiin, No.7-ah a debut a, he chart top 10-a a hla a lan vawi khatna a ni.
Billboard Global 200 Top 10:
1 Like That – Future, Metro Boomin & Kendrick Lamar
2 Beautiful Things – Benson Boone
3 We Can’t Be Friends (Wait For Your Love) – Ariana Grande
4 End Of Beginning – Djo
5 Lose Control – Teddy Swims
6 Type Shit – Future, Metro Boomin, Travis Scott & Playboi Carti
7 Too Sweet – Hozier
8 Cinderella – Future, Metro Boomin & Travis Scott
9 Texas Hold ‘Em – Beyonce
10 Carnival – ¥$: Ye & Ty Dolla $ign Featuring Rich The Kid & Playboi Carti