dhi-i chuan ‘sorkar hmalakna pawimawh taka thawk hmeichhiate dinhmun hniam’ sawi chhuakin sorkar laipui chu Accredited Social Health Activists (ASHA) leh anganwadi-a thawkte lawmman tihpunsak turin a ngen.
Rajya Sabha rorel inkhawma Zero Hour-ah Thawhlehni khan Gandhi-i hian ASHA leh Anganwadi-a thawk leh anmahni puitute dinhmun a sawi chhuak a. National Rural Livelihood Mission-a thawk tangkai tak takte dinhmun a sawi bawk.
“Henga thawkte hi hmeichhiate chawi kanna kawng pawimawh tak a ni a. Hetih lai hian khawtlang tana an thawh hlawkna ngaihtuah heng hmeichhe hnathawkte phur hi a ritin an hlawh a hniam lutuk a ni,” a ti.
“Ram pumah ASHA-a thawkte hi invenna pek, chet chhuah, nu hriselna, chhungkaw that tlana tur thil zawng zawng buaipuitu an ni a, lawmman tlem chauh neiin an dinhmun a nghet lo em em bawk a. Anganwadi-a thawkte pawh lawmman atan sorkar laipuiin thla khatah Rs 4,500 leh puitu hnenah Rs 2,250 chauh a pe bawk,” a ti.
Gandhi-i hian lawmman tlem em em pek ni chung siin Integrated Child Development Services (ICDS) hnuaiah centrally sponsored programme-a ei leh in tha pek, invenna pek leh hriselna endika thawk tur nuai thum chuang hmun ruak a awm a. Anganwadi centre kaltlanga hriselna, ei leh in tha semna leh naupang hmansawnna, nau paite buaipui leh nute enkawltu thawktu an indaih lo em em bawk tih a sawi.
“Hei vang hian naupang leh nu nuai telin an mamawh em em an dawng lo va. Hna ruak awm hi hnawh khat vek a nih pawhin kum 2011 inchhiarna ringa thawktu inlak a nih dawn tho avangin an la indaih lo em em tho dawn a ni,” a ti.
Congress hruaitu chuan sorkar chu hna ruak awmte hnawh khat tur leh thawk mekte a hun taka an hlawh pe turin a ngen a, an hlawk hi a leta tipung turin a ngen bawk a. Sorkar chu mi 2,500 chuang awmna khuaa ASHA pakhat dah zel tur leh anganwadi-a thawk pawh a leta tipung zel turin a ngen tel.
Gandhi-i’n ASHA leh anganwadi-a thawk hlawh tipung turin ngen
