Country star George Strait chuan Kyle Field, Texas A&M-a concert a neihnaah ticket 1,10,905 hralhin, US-a concert neih tawh, ticket lei ngai chiah chuan entu mipui tam berna a la ni.
Country legend George Strait chuan, “Eng thil nge ni ngai?,” tiin, “Hei hi sawi chhuah ka inthlahrung khawp mai, mahse, tun hi Kylie Field-a ka vawi khat kalna a ni…khai a! Min sawm leh teh u, ka rawn kal leh chiang khawp ang!” a ti bawk.
A hmaa US-a ticket leia en ngai concert-a mipui tamna ber chu The Grateful Dead-in 1977-a Raceway Park, New Jersey-a show an neih niin, hemi tum hian ticket 1,07,019 an hralh a, Strait hian he record hi a rawn khum ta a ni. Tun hi Texas A&M Kyle Field-a tum khata mipui an punkhawm hnem ber a ni bawk a, a hmaa he record siamtu chu October ni 11, 2014-a Ole Miss concert niin, hemi tum hian he hmunah hian mi 1,10,633 an pungkhawm ve thung.
George Strait hian record dang pawh a lo siam nual tawh a, genre hrang hrang lak khawm pawhin zaithiam zinga No.1 kai thei hla ngah ber a ni a, kum 30 chhung kumtin Top 10 hit nei ziah thei awm chhun a ni a, country music history-a No.1 album ngah ber, gold album leh platinum album ngah ber a ni bawk.
George Strait-a’n US-ah concert chhimtu tam record a siam
