Gilead School hnenah bus pe
Indian Oil Corporation Limited chuan an corporate social responsibility fund atangin Gilead Special School Bawngkawn Brigade tan school bus pahnih an pe a. Bus thar hi an school-ah kalchilha hlan niin, Mizoram sawrkara CSR Cell chairman, adviser to chief minister TBC Lalvenchhunga’n a hlansak.
CSR Cell chairman chuan Gilead Special School hruaitute chu kum lam a upa ni hlawm tawh mah se, an rawngbawlsak naupangte tan chak taka hma an la reng chu entawntlak a tih thu a sawi a. An mamawh em em school bus, IOCL-in an thawh chu a lawmpui tih a sawi. CSR Cell kaltlangin society leh company-te an thlun zawm chhoh zel thu sawiin, CSR lama awareness programme leh capacity building an kalpui tur thu a sawi.
IOCLdeputy general manager Z Lhungdim pawhin Gilead Special School hotute leh thawktute inpekna fakawm a tih thu a sawi a. CSR chu public sector undertaking an nih anga an tih ngei ngei tur a nih thu leh a bawhzui leh haichhuah lamah Gilead Special School hruaitute hmalakna ropui a tih thu a sawi a ni.
Gilead School hnenah bus pe
