Girl Child Day hmang
Women & Child Development Department leh 3rd Battalion MAP buatsaihin Zirtawpni khan 3rd Bn. MAP hmunah National Girl Child Day hman a ni.
He Ni hi kumtin January 24-ah hman thin a ni a, kuminah Inrinnia a tlak avangin, January 23-a hman a ni a. Hmanpuitu Home minister K Sapdanga chuan he programme rahchhuah tura a duhthusam chu, department hrang hrang inzawmna tihchak nise, hmeichhe naupangte tana hmun him siam a, hmeichhe naupang tin, eng ang dinhmun atanga lokal pawh nise, inthliarna awm loa an lo thanlen theihna tur leh an kalna apianga kaihruaitu ni thei tura hun remchang siamsak theih nise a duh tih a sawi a ni.
Women & Child Development director Zoramthangi Chhangte leh 3rd Bn MAP commandant Ruatsanga Ralte ten National Girl Child Day hman a pawimawhna leh a kaihhnawiha an ngaihpawimawh an sawi bawk.
Girl Child Day hmang
