Kerala sorkar-Raj Bhavan te university Senate nomination chungchangah leh Governor-in legislature pawm tawh Bill te hming a ziah hnan duh lohna avanga buaina chuan awh rei zelin December 21 khan Chief Minister Pinarayi Vijayan chuan President Droupadi Murmu hnenah lehkhthawn ziakin Governor Arif Mohammed Khan chu kokir turin a ngen.
Khan leh Vijayan inhmuh thiamlohna chuan mipui pawh thlengin mipui hriatah tawngkam na tak takin an inbei tawh bawk a.
Sentaes of State-funded university ah te Sangh Parivar mi leh sa te Khn chuan a dahlut tiin zirlai ten an puh a, he thil thleng hi sorkarin Centre hnena Governor chu lakir tura an ngen phah hialna chhan a ni ta a ni.
Khan chuan huaisar takin Students Federation of India (SFI) activists te chu cho hle in December 11 khan Thiruvananthapuram a black flag protest an neih khumah pawh a official car atanga chhukin a hmachhawn a. A hnuah Khan chuan Vijayan chu SFI activists te chu amah kutthlak turin a ti tiin a sawi zui.
Chu mai bakah Khan chuan State law and order dinhmun chu a chhe hle tia sawiin Communist Party of India (Marxist) [CPI(M)] “criminals” ten ro an rel a ti zui bawk.
December 16 khan Khan chuan huaisar takin Calicut University campus guest house ah SFI te a hlauh lohzia lantir nan a inkulh bawk a. SFI te chuan Khan chu an State chhuahsan turin an tur zui bawk a. Chu mai bakah Khan chu Sangh Parivar te tana thawk tia sawiin Governor Khan chu Hindu majoritarian nationalist ideologue V.D. Savarkar nen an khaikhin bawk.
Khan leh Vijayan inlaichinna chu Raj Bhavan-in tih ngai loh tia Chief Minister chu Governor chu Chancellor a nihna anga tihhmingchhiat tumah puha thuchhuah a siamin a ti zualkai bawk a, ‘State ah Constitutional machinery a tluchhia’ tiin Raj Bhavan thuchhuah chuan a tarlang a ni.
Sorkarin chhang letin Khan chu protocol bawhchhe reng, State a ralmuan lohna thlen tum, zirlaite criminal tia ankhum leh Kerala peaceful atmosphere tihchhiat tum tiin an puh let thung.
Governor hnuk let turin ngen
