Kar kalta khan Dua Lipa, Billie Eilish leh Olivia Rodrigo te chu 2024 Grammy Awards sem hunah an perform dawn tih an lo puang tawh a, tunah chuan midang pathum- Travis Scott, Luke Combs leh Burna Boy te pawh he award semnaah hian an perform dawn tih an puan belh leh ta. Rimawi tana zan ropui ber an tih maiah hian gender mai bakah genre leh vun rawng thlengin a inpawlh sawp tha dawn viau e.
Tuna performer pathum an puan thar te hi kumin Grammy nomination-a lang vek an ni a, Travis Scott hi a album Utopia avangin best rap album-ah nominate a ni a, kum hmasa lama nomination-a a lan tawhte nen chuan tum 10 a lanna a ni ve ta a, mahse, award erawh a la dawng lo.
Luke Combs pawh hi Tracy Chapman hla hlui ‘Fast Car’ ama version-a a cover-na avangin best country solo performance-ah nominate a ni a, tihian Grammy nomination-ah vawi sarih a lanna a ni ve ta a, Scott ang bawkin award erawh a la dawng lo.
Burna Boy hian category pali-ah nomination a neia, best global music album, best African music performance, best global music performance leh best melodic rap performance-ah te a lang a, ani hi chuan kum thum liamta khan best global music album hi a lo dawng tawh a ni.
February ni 4 a sem tur Grammy performer hi an la puan belh zel dawn a, award show hi Trevor Noah-a’n a host leh dawn a, ani hian tum li a zawnin he award show hi a host-na tur a ni ta a, kumin Grammy nomination-a hian ‘I Wish You Would’ avangin besu comedy album-ah nominate a ni.
Grammy-ah Scott, Combs & Burna Boy
