Ha-chaka
Handstand (a ke chunglamah ngil taka timarin, a kut pahnih chu a ke anga din nan a hmang ve thung) tichungin a hain kg 80 a rit a seh kang a, record a siam. He ha-chaka hi Vikas Swami, kum 38, a ni a, 2010 khan bike-in a chesual a, perek a lu ruhah a tlum a, thi lova ruangin a chhuak a, chuta tanga a rawn dam leh chuan record siam a tuipui ta a ni.
Damdawi in atanga a chhuah hnu kar khat lekah school bus driver hna a thawh lai chu a zawm leh nghal mai a, mahse, a lu an thuina a pìt a, chuta tang chuan a hriatna a hloh then ta a, a school naupang phurh tur te hming pawh a kutphahah te a ziak lawk thin. Tichuan, 2012 khan yoga ti turin an rawn a, yoga chu a thatpui hle niin a sawi a, yoga zirtirtuah a tang zui ta a ni.
Covid hripui len lai khan a hna nei lo chuan yoga a tihna atangin kut hmanga a letling zawnga ding chunga ha hmanga thil rit seh kan chu a zir tan ta a, a tirah chuan brick pahnih te a ti chhin a, a ti rit telh telh a, tunah chuan record a siam ta a ni.
Ha-chaka
