Tunhnaia ha doctor qualified lo, document lem hmangtu sawrkarin a lo chhawr chu, lak a nih dan chhuichian an an duh tih Kawnpui Joint Village Council chuan an sawi.
Kawnpui Joint VC thuchhuak chuan, ha doctor hna thawk zingah document lem hmanga hna hmu hriat chhuah a nih theih nana hma latu MZP Gen. Hqrs leh Health minister Pi Lalrinpuii te hmalakna lawmawm an tih thu a sawi a. Document lem hmangtu hriat chhuah tak hi Kawnpui CHC-a dental surgeon hna thawk lai a lo ni lehzel chu pawi an tiin, hetiang hi thleng nawn tawh lo se an duh tih a sawi.
‘Sawrkar leh thuneitute pawhin document lem hmanga hna lak a nihna hi chhuizui ngai leh inhnamhnawih an awm chuan dan angin hma la ngei se kan duh a ni,’ a ti.
Population ngaihtuah chuan Kawnpui CHC chu Mizoram huap pawha ngaihtuah ngai tak a nih angin, dental surgeon post ruak chu sawrkarin dah khah sak leh turin an ngen nghal tih a sawi bawk.
Ha doctor qualified lo lak dan chhuizui duh
