Halpuah hal lo turin ngen

Mizoram Pollution Control Board (MPCB) chuan Krismas leh kumthar vuakvetah halpuah hal lo turin mipui a ngen.
Halpuah hal hian boruak a tihbawlhhlawh bakah mihring hriselna lamah nghawng tha lo tak neiin, chuap (lung), mit (eye) leh beng (ear) a khawih pawi thei hle, tih MPCB hian a sawi a. Halpuah ri bengchheng chuan mipuiah chiaina thlenin, dam lo leh tar chak lote tan harsatna a thlen nasa bik a, Mizoram sawrkar pawhin halpuah hal khapna thupek a chhuah tih a sawi.
Mizoram Pollution Control Board chuan kumtina a zirchian thin atanga a landanin, halpuah hal hian boruak a tihbawlhhlawh zual bakah ri bengchheng a siam nasa hle a. Hei vang hian halpuah hal pawizia hre thar a, hunpui thleng turah pawh halpuah hal lo turin mipui a ngen tih a sawi a ni.