Halpuah leh halmawi khuahkhirhna dan thar, ‘The Mizoram Fireworks Regulation Act 2026’ kalpui dan turah Thawhlehni khan Home minister K Sapdanga kaihhruaiin inrawnkhawm a ni a. Chief secretary Khilli Ram Meena, DGP Sharad Agarwal, Home leh GAD hotute, Aizawl DC leh SP, I&PR director, Central YMA, Aizawl Municipal Corporation hotute leh Mizoram Merchant Association hruaitute an tel.
Home minister hian Mizorama halpuah leh halmawi khapna dan kalpui tawh dan tlangpui a sawi a. Khuahkhirhna khauh tak kalpui aiin halpuah leh halmawi hal nghawng tha lo hrang hrang inzirtir paha hal lo tura ngenna siam chuan awmzia a neih thui zawk a beisei tih a sawi.
Ram nuam, fai leh thianghlim ni tura hma latu tlawmngai pawl pawimawh tak chu YMA an ni, tiin, heng hmalakna a hlawhtlin zel theihnan sawrkar, kohhran, khawtlang, sumdawng pawl leh YMA tanrual zel a ngai tih a sawi a ni.
Home secretary Vanlalmawia’n “The Mizoram Fireworks Regulation Act 2026” a sawifiah a. Hemi hnuaiah hian halpuah leh halmawi hal, kawl leh zawrh khapna dan a awm a, a hremna hrang hrang pawh a chuang. He dan kengkawh tura High Level Committee, District Supervisory Committee leh Local Supervisory Committee din dan tur a chuang bawk.
Thutkhawmah hian The Mizoram Fireworks Regulation Act 2026 zau zawka mipui hnena thuthar thehdarhtute, kohhran leh khawtlang hruaitute kaltlanga inzirtir dan tur sawiho a ni a. Krismas vuakvet hmaa halpuah leh halmawi lut tur dan kawnga Mizoram Merchant Association nen tanghoa hmalak dan tur pawh sawiho niin, hal lo tura mipui hnena kawng hrang hranga ngenna siam dan tur pawh sawi a ni.
Halpuah leh halmawi khapna dan a taka hman tumin inpuahchah tan
