Bangladesh prime minister hlui Sheikh Hasina leh a thurualpui thin te chu dan hmangin thubuai tam tak siamsak mek niin Hasina ringawt hian thubuai 100 chuang a nei tawh a. A thubuai neih zingah hian tualthah kaihhnawih, crime against humanity te pawh a tel a ni.
Augsut 5-a Bangladesh Awami League sorkar tlukchhiat hnuah Hasina laka case file hmasak ber chu August 13 khan Dhaka-ah ziah luh a ni a. August 29 khan International Crimes Tribubal-ah a case 100-na ziah luh leh chiah a ni bawk.
Tuna a case neih thar berah hian Hasina mai bakah a minister hlui, Members of Parliament leh jounrlaist thenkhatte an tel a. Complaint thehluh zingah hian genocide te leh crimes against humanity te pawh a tel a. Case pariat lai chu International Crimes Tribunal kutah dah niin 92 dang te chu Bangladesh hmun hrang hranga police station a ziahluh a ni thung a, a case neih zawng zawng hian 100 a chuang a ni.
August 29 khan Hasina lakah International Crimes Tribunal-ah crimes against humanity leh genocide thubuai ziahluh a ni a. Hengte hi August 5-a anti-discrimination student protest neih laia Mirpur of Dhaka a from Bangladesh Chemical Industries Corporation College zirlai kum 17 a upa Nasib Hasan Riyan tihhlum a nih kaihhnawihah a ni a. He case hi Ritan-a pa Golam Razzak chuan Supreme Court lawyer Gazi M.H. Tamim ruaiin a thehluh a ni a, midang 55 lai minister hlui te pawh telin leh journalist 29 leh professor pahnih te pawh an hming hmer tel an ni.
He mi ni vek hian labour leader Hasan Mahmud, July 31 a Goran, Khilgaon a nunna chan nupui Fatema Begum chuan Hasina leh midang 34 te lakah Additional Chief Metropolitian Magistrate Mahbubul Hague hnenah thubuai a ziak lut bawk.
July 19-a Sutrapur, Dhaka a nunna chan kum 25-a upa Nadimul Islam Aleem nu Kismat Ara pawhin Hasina leh midang 88 te lakah Dhaka Metropolitan Magistrate Tariqul Islam hnenah thubuai a ziak lut bawk.
Hetih lai hian Border Guard Bangladesh member te leh Sreepu, Gazipur a lungawi lote inbeihnaah mi parukin nunna an chan a, nunna chan chhungte chuan Sreepur Model Police Station-ah muder case pahnih an ziak lut a. Accused zingah Hasina, Awami League general secretary Obaidul Quader, Home Minister Asauzzaman Khan te pawh puh tel niin anni bakah midang 99 lai hmer tel an ni bawk.
BNP activist Sheikh Sazzaduraman Jiko, October 22, 2022 a thah a nih chungchangah SM Monirul Hasan Bappi, Khulna Distroict BNP member secretary chuan Fulbaria Police Station ah case a file zui bawk.
Hasina chu August 5 khan Bangladesh buaina tlanchhiatsanin India ram a lut a, khami hnu atang khan kum 84 a upa Nobel laureate Muhammad Yunis chuan Bangladesh-ah thuneihna a kengkawh mek a ni.
Hasina-in thubuai ngah
