Hermon tlang venghima luahlum turin Israel in a sipaite hriattir
Israel defence minister chuan a sipaite chu an thenawm Syria leh Lebanon sorkar-te an buai mek avangin Hermon tlangchhipa khawsa a, venghim tur leh thlasik hun hmang turin a hriattir.
He thu hi Syria president Bashar al-Assad-a a tlak hnua December 8 atanga Israel in he lai zone a thunun hnua puan a ni.
Defence minister Israel Katz office chuan thuchhuah siamin Syria thil thleng avangin an ram chuan an luahchin an vawnhim ngheh tlat theih nan an tihtur pawimawh hmasa tak a nih thu a sawi.
Katz chuan X-ah an PM thlalak post in, a caption-ah chuan ‘Syria ram tlangsang Hermon tlang chu kum 51 hnuah Israel chuan a thunun leh ta,’ a ti.
Israel sipaite chu Hermon tlanga thlasik hun hmang tura hriattir niin, hmun pawimawh chu an humhim ngei a tul thu hriattir an ni a, an ram tan tlang pawimawh tak a nih ve bawk avangin venghimtute chu an mamawh engkim pek a, ngaihtuahsak zel an nih tur thu hriattir an ni bawk.
Hermon tlang venghima luahlum turin Israel in a sipaite hriattir
