Kuminah August tel lovin thla li a la awm a, chuti chung chuan heroin man hnem ber kum a ni der tawh. Mizoram Excise & Narcotics (MEN) department-in July thla thlenga heroin an man kha, kum hmasa kum tluana an man aiin a tam.
MEN department hian July thla thleng khan kuminah heroin hi kg 52.854 an man tawh a, kum dang kum tluana an man aiin kumin thla sarih chhunga an man hi a tam; kuminah man belh tawh miah lo pawh ni se 2023 hi an man tam ber kum a ni tawh.
2022-ah khan heroin a hluar nasa a, khami kumah khan kg 33.418 an man. Kumin thla sarih chhunga an man zatin a khum hneh hle. Heroin hi 2015-ah khan kg 4.088 an man a, hei hi kum khat chhunga kg 4 an man tlin vawi khatna a ni. 2017-ah kg 6.186 an man a, 2018-ah kg 8.716 an man. 2019-ah kg 12.596 an man a, kg 10 an man tlin vawi khatna a ni. 2020-ah a hma kum aiin an man tlem a, kg 11.710 an man. 2021-ah kg 18.906 an man a, 2022 leh 2023-ah a pung nasa hle.
MEN department-in an chhinchhiah danin, kuminah August ni 7 thleng khan Mizoramah ruihhlo vangin mi 44, mipa 36 leh hmeichhia pariatin nunna an chan tawh a, mi 44-te vanduainaah hian heroin a tel vek. An chhinchhiah danin, mi 43 chu heroin leh damdawi ruihhlo dang khawih pawlh an ni a, pakhat chu heroin leh alprazolam khawih pawlh a ni.
MEN department hotute chuan heroin hi nikum lam a\ang tawh khan \um khata a hlawm lian thama man an ngah tih an sawi a, kum hmasa lama kum tluana an man zat te, chu aia tam te \um khatah an man fo tih an sawi. |um khatah kg 4 te, kg 5 te an man fo a, tam thama an man hi Mizoram state pawna mi tur a ni tlangpui tih an sawi bawk.
Heroin man hnem ber kum
