Mizoram sawrkar hnuaia awm Samagra Siksha ami leh National Health Mission amite chuan hlawh an la thei loa, an mangang tih an sawi.
Federation of Mizoram Samagra Siksha (FEMSE) chuan School Education minister hnena an thlen danin, Samagra hnuaia thawkten thla thum hlawh an la tawh loa, a chhan hrang hrang zingah sawrkar laipui atanga state sawrkara sum lo thleng, hun rei tak state treasury-in a hren khawtlai vang a ni, tiin, 1st instalment pawh tlai taka dil a nih phah nia an hriat thu an sawi.
Hlawh an lak theih loh phutna atan hian kumin September 5-a Teachers Day chu badge dum nena hmachhawn an rel tih an thlen a. Sawrkar hotuten an dinhmun hriatsak a, an harsatna a rang thei ang bera ngaihtuah turin an ngen tih an sawi.
National Health Mission hnuaia thawktute pawhin Health minister hnenah thla hnih hlawh an lak tawh loh chu an lak thuai theih nan hma laksak turin an ngen a bawk.
Hlawh la thei lote mangang
