Hman theihin RRR
Centre hawng
Urban Development & Poverty Alleviation department hnuaia Swachh Bharat Mission (Urban) 2.0 hmalaknain, Permanent Reduce, Reuse and Recycle (RRR) Centre chu Govt. Multi-Utility Centre Thakthing-ah Ningani khan UD&PA secretary Lalmalsawma Pachuau chuan a hawng.
RRR Centre hi bawlhhlawh paih tih tlem, hman nawn theih hman nawn leh hman tangkai dan zawnna atana tih niin, mipui tlawhpawh theiha hawn a ni a. A phal apiangin an bungraw hrang hrang – thuamhnaw, pheikhawk, lehkhabu leh zirlaibu hlui, choka bungrua, toys leh thil dang an hman tangkai tawh loh, la hman tlak si, a mamawhte tana an theh khawmna hmun tura duan niin, a duh leh mamawh apiangin, an duh ang ang a thlawnin an la thei dawn a; he hmalakna hian nasa takin bawlhhlawh paih mai tur a tih tlem dawn bakah mamawhtute tan hnemhnan awm tak a ni thei dawn a ni.
RRR campaign hnuaiah hian kumin March khan “Swap & Save – Sikul Bungraw Inthleng Runpui” chu Mizoram district headquarters tinah neih a lo ni tawh a, zirlai leh zirlai nu leh paten an hlut hle.
Hman theihin RRR Centre hawng
