Hmarcha thak ber ei hnem record siam
Hmarcha ngam zet mai, Canadian YouTuber Mike Jack chuan minute 4 leh second 36.26 chhungin khawvela hmarcha thak bera sawi thin Carolina reaper pum 25 a ei zo vek hman a, Guinness World Records, Carolina reaper pum 25 ei zo rang thei ber record a siam.
Carolina reapers hi a’n thak mai mai khawp a, hmarcha thak zawng tehna Scoville Heat Unit (SHU) 16,41,183 a ni a, hmarchapui kan tih ang chiho hi a thak zawng chu SHU 4,000-8,500 vel a ni. Carolina reapers hi khawvela hmarcha thak bera sawi thin a ni a, mahse, nikum khan a aia thak zawk hmarcha chi thar ‘Pepper X’ an rawn tichhuak ta a ni.
Mike Jack hian Goatfest, Kitchener, Ontario-ah record hi siamin, “Ka ei danah khan a awlsam hmel inti maithei a, mahse, kawchhung hi a kâng a ni ringawt alawm. Heng hmarcha hian min tina thei hle a nih hi,” tiin a record siam hnua an kawmnaah a sawi.
Hmarcha thak ber ei hnem record siam
