Mipa zawng zawng chu kan ti vek ngam lovang, mahse, a tam zawk chu an ni ngei ang, te hian hmeichhia an ngaina. Chu chu khawvel piantirh atanga thil nihphung a ni. Mahse, mipa (an vai chuan kan ti ngam lo, mahse, a tam zawk chu an ni ang) te chuan hmeichhe ei loh zawng nei tlat mai a, chu chu hmeichhia ten hriat a ngai a ni.
Relationship lama mithiam ten mipa hoin a nawlpui anga laka an hmeichhe ei loh zawng ni a an sawi te kan rawn tarlang e:
1. Hmeichhe thenkhatin han in-make-up deuh vak hian mipa mit la riau turah an inngai a. Mahse, mipa tam zawk chuan, eng anga hmeichhe hmeltha pawh hi heavy duty make-up-a in-plaster hnu chuan a artificial an ti tlat a nia. Chutah eng emaw tih zawh hleka make-up phawrh thla zen mai leh darthlalanga inen sek ang chi te hi an ei lo tlangpui.
2. |awng tam lutuk te hi an ei lo. Chutiang zat chu tawng rawh, ti a inhrilh theih chu a ni hauh lo, mahse, a tuina zawng a nih vang emaw, a tui loh zawng a nih vang emaw a, tawp chin nei lo leka dak par par thin hmeichhia te hi mipain an ngaina ngai lo.
3. Harsatna leh buaina sawi peih lutuk hmeichhia ten mipa ngainat an hlawh thei tlat lo bawk. Hmeichhe thenkhat chuan khawvela harsatna leh buaina zawng zawng hi an nei bik emaw tih mai tur a ni a, mipa ten an sawipui hlek se a zualzawpui vailenhlo tih ang chauh. Buaina an ngah telh telh emaw tih tur a ni. Chutiang mi bulah chuan mipa te an awm tha peih lo.
4. Mi thil ti laklawh lai tihbuai ching hmeichhia te hi mipa ten an ngaithei mang der lo. A inkhel en tui laklawh lai te kha lo be buai sek suh. Hmeichhe fing chuan mipa chu a duhzawng tihna hun thawl a siam sak a, chu chuan hlimna a siam zawk thin. “Inkhel en reng ringawt lo khan, i ti ti zawk teh ang” i tih te kha mipain a ngaithei lo. Nui chungin, “Nia maw le” a ti a nih pawhin duhthlan tur dang a neih loh vang chauh a niang!
5. Mipa chu hmeichhe tilawm tur emaw tih bik tlat hi mipa tam tak ngaihdan a ni tawh bik lo. Mipa caring tak i duh chuan mipa kha i care thiam ve ngai tih te hi an ngaihdan a ni deuh tlat tawh a nia!
Hmeichhiaa mipate ngainat loh zawng
