March 9-13 chhung hian International Women’s Day denchhenin National Commission for Women New Delhi leh State Commission for Women chuan India ram pumah “Maha Jan Sunwai” a buatsaih dawn.
Mizoramah pawh Aizawl leh district headquarters zawng zawngah he hun hi Mizoram State Commission for Women mai bakah district tina deputy commissioner, superintendent of Police, District Legal Services Authority leh Women and Child Development department-in an buatsaihho dawn a. Hmeichhia dikna chanvo rahbehna hrang hrang tuar chuan he hunah hian complaint a thehluh theih dawn.
‘Inchhungkhura hleilenna, eng kawng pawha tawk, nupa kar harsatna avanga hmeichhe chunga tawrhna thleng, hnathawhna hmuna thawhpui mipate atanga harsatna tawk, chhaih nawmnah tawk leh eng kawng pawha hmeichhia nihna avanga hleilenna leh nekchepna tawk tan harsatna a thlen theih ang,’ tih a ni.
Harsatna thlentute tan a thlawnin an thu thlen ngaihtuah – free legal public hearing neih a ni anga, complaint hi district tina WCD hnuaia district programme officer, child development project officer, deputy commissioner leh SP te hnenah ziaka thehluh tur a ni. Complain thehlut tan hemi ni hian a rang thei ang bera an harsatna chinfel nghal tum a ni tih a sawi a ni.
Hmeichhiate Ni-ah harsatna nei hmeichhia tan thu thlen theih
