Hmun thuma lirthei chesualah pathum thi

March 2 khan Mizoramah hmun thuma lirthei chetsualnaah mi pathum an thi.
Inrinni tlai dar 6.15 vel khan truck, RL Enterprise truck chu Lawngtlai district-a M Kawnpui khawbul maiah a chesual a. Lirtheiah hian mi 5 chuangin, an zing ami Suchengkuli (45), Vaseikai Lawngtlai district chu a thi. Midang hi M Kawnpui Sub-Centre a kalpui niin, hliam na lutuk an awm lo nia sawi a ni.
Inrinni tlai dar 4-5 inkar khan Lawngtlai district Kaladan Multimodal Transit Transport kawngpui, Lunghauka leh Darnamtlang inkarah bike leh pik-up an insu a, bike-a chuang mi pahnih – Lalngaizuala (33) leh Sakhochondro (22), Saizawh East Lawngtlai district ve ve chu ka pawh chhawn lohin a hmunah an thi.
Thudawn danin an insut hnu, bike-a chuangte an tluk hnu hian pik-up hian a chil zui a ni. Pik-up hi a tlantlang a, Saizawh East mipuiin umzuiin an va nangching a, lirthei neitu hnamdang hi a tlanbo a, a driver leh lirtheia chuang mi pakhat chu Bungtlang South Police Outpost-a lak an ni.
Ngopa-a neih KTP General Conference chhim tuma kal KTP Bawngkawn Shalom Branch member mi pali chuanna chu Keifang pelh, Saichal kawng Tuivawl pelh km.1 vela hlaah an lirthei, Scorpio MZ 01M 5155 chu Inrinni chhun khan chesualin kawngthlangah metre 10 vel a lum a. He lirtheia chuang zing ami Rebecca Lalrinmawii (34) d/o Hmangaihthangi, Bawngkawn chu a hmunah a thi. Midang chuang hi mipa vek niin, hliam na an tuar loa, Saitual damdawi ina first aid pek an nih hnu ah chhuahtir an ni.