Hmunphiah rate chhe ta hi a pawi
– Dr R Lalthangliana
Sawrkar hmasa huna hmunphiah rate kg. khat cheng 100 chuang a nih lai a, tun sawrkarah kg khat Rs.50 chauha hralh theih a ni ta chu pawi a tih thu MNF senior vice president Dr R Lalthangliana chuan a sawi.
Zirtawpnia Marpara a tlawhnaah Dampa bial by election-a MNF candidate Dr R Lalthangliana hian, MNF sawrkar lai khan Dampa bialtu MLA Pu Lalrintluanga Sailo hmalaknain hmunphiah kg-ah Rs. 120 leh 130-in an hralh thin a. Tun sawrkarah erawh kg-ah Rs.50 vel chauhin an hralh thei ta chu pawi a tihpui thu a sawi a. Buhfai man a leta tih to a ni chu mipuiin kan tuar nasa tih a sawi bawk.
Power supply a mumal lo em em chu bakah tunhnaiah electric bill a let awlh awlhin niin a sawi a. ZPM sawrkar hnuaiah ni 100 inhlawhna leh mipui vantlang inhlawhna a vang ta niin a sawi.
Pukzing leh Silsuri inkar kawng a kal theih loh ringawt mai chu vanduaithlak a tih thu leh, West Phaileng to Marpara kawng Pu Rintluanga Sailo zara lo tha ta chu a lawmawm hle laiin, tunhnaiah hma an la chak lo chu pawi a tih thu a sawi a ni.
MNF thuchhuah danin, Marpara mipuiin Dr R Lalthangliana hi minister a nih laia Marpara High School provincialised a ni chu lawmthu an lo hrilh a. Hun rei tak building chhe em em Marpara PHC pawh Health minister a nih laia sak thar a ni chu lawmthu an lo hrilh.
Hmunphiah rate chhe ta hi a pawi – Dr R Lalthangliana
