Hnahthialah Union minister
Union minister of state for Ministry of Fisheries, Animal Husbandry & Dairying leh Minority Affairs George Kurian chuan tunkar Zirtawpni leh Inrinni hian Hnahthial district a tlawh dawn a, Nilaini khan district bawrhsap Rita Lalnunmawii Pachuau kaihhruaiin lo dawnsawn dan tur an rel.
Ruahman lawk dan chuan, Union MoS hian Zirtawpniah helicopter hmangin Hnahthial a tum anga, chawhnu dar 2.30 ah DC office-ah Hnahthial district-a department hrang hrang hotute a thutkhawm pui ang. Hnahthialah hian a riakin a tuk Inrinni zingah Leite a tlawh anga, JJM hnuaia solar pumping a en ang. Zing dar 9.30-ah site visit neiin, Anganwadi Centre, PMAY hnuaia in sak, AH & Vety Hospital leh District Hospital a tlawh hnuah KVK-a exhibition siam a tlawh anga, hemi hnu hian Aizawl a pan ang.
Hnahthialah Union minister
