Political party hrang hrangte hnamdang kawppui nei MLA candidate-a dah lo tura an ngenin awmzia a neih loh avangin a tawp thlenga hma lak zel an tum tih MZP chuan an sawi.
Mizo Zirlai Pawl hruaitu thar an awm hnua general headquarters executive thutkhawm hmasa ber Ningania neihah, Mizoram rorelna sang ber Assembly House-a thu tur MLA inthlanah Mizo hmeichhia hnamdang pasal nei candidate tura dah tumna awm chu pawi an tih thu an sawi a. MZP-in political party tinte hnamdang pasal neite candidate-a dah lo tura vawi tam a ngen tawh chungin awmzia a nei tawk lo nia an hriat thu sawiin, Mizoram leh hnam a him zel theih nan a tawp thlengin hma lak an tum tih an sawi.
Mizoramah Mizo hming hawha hnamdang sundawng tam tak an awm leh an huangtau chho zel chu pawi an tih thu sawiin, ILP kalpui danah pawh a sponsor-tu ten dan an zawm tawk lo leh hnamdang thlavang hauhtu an pung zel chu ram leh hnam tan a him lo nia an hriat thu an sawi a. Mizo hming hawha hnamdang sumdawngte dapchhuahah a tul anga hma lak an tum tih an sawi bawk.
Manipur buaina avanga harsatna pawh ngaihtuahin, an harsatna tawh hrang hrangah a tul anga puih an tum thu sawiin, a bikin zirlaite tawrhna chu theih ang anga tanpui nise, an ti.
Hnamdang kawppui nei MLA candidate a tawp thleng do tum
