Pawikhawihna a thlena police-ten hnu chhuizui ngaia an hman tur mobile forensic van pali Mizoram Police-in a nei thar.
Heng van hi Thawhtanni khan Home minister K Sapdanga chuan a enkawltu tur District Executive Force (DEF) Aizawl, Lunglei, Champhai leh Kolasib kalpui turin Police Headquarters atangin a vailiam.
Forensic van pathum hi ‘basic model’, pakhat hi ‘higher model’ a ni a. National Forensic Sciences University Gujarat leh Kwick Soft Solution Pvt. Chennai kutchhuak a ni. Higher model hi Rs. 82,53,482 man; basic model hi Rs. 44,99,999 niin, pathum man belhkhawm chu Rs. 134,99,997 a ni a. A pali man belhkhawm chu Rs. 217,53, 479 a ni. ‘Assistance to States for Modernization of Police’ hnuaiah mobile van hi lei a ni a; general investigation kit, narcotics detection kit, explosive detection kit, DNA collection & sexual assualt kit-a thuam niin, higher model hi digital evidence investigation kit leh nano pro digital investigation kit-a thuam a ni.
Forensic van vailiamnaa Home minister sawi:
4Discipline tha taka kengkawh turin Mizoram police a chah a. State dang police-te chin tha lo chu an tih ve a rem lo tih a sawi.
4Police tanglai 8000 vel chauh awm mah se, an uniform nawt mar a, theihtawp chhuah turin a chah. Post awl 4000 vel awm leh thildang mamawh chu a tul anga ngaihtuah a nih tur thu a sawi.
4Ruihtheihthil avanga police thi an awm thin chu thil pawi a ni, tiin, an naute khawng taka enkawl a, an mawhphurhna hlen turin police hotute a chah.
4Danin a phalsak chin anga khawsa turin officer-te an insiamrem mek chu lawmawm a tih thu a sawi a. Kumin, 2024 a insiamrem zawh hman tum a ni tih a sawi.