Hollywood star zinga film channa sum hmuchhuak tam ber Zoe Seldana
Scarlett Johansson box office record lehthal thei an awm ta tlat mai a, actor zinga an film channa, cinema hall ticket hralhna atanga sum la lut tam ber record thar a awm a, record siamtu chu ‘Avatar’ changtunu Zoe Seldana a ni ta.
James Camera-a film siam ‘Avatar: Fire and Ash” chuan cinema hall ticket hralhna atangin dollar tluklehdingawn 1.23 a la lut tling ta a, heti hian Zoe Seldana channa film hrang hrangin cinema hall ticket hralhna atanga sum a lak luh zawng zawng chu dollar tluklehdingawn 16.8 a tling ta a, ‘highest-grossing actor of all time’ a ni ta a ni.
Zoe Seldana hi Avatar film pathum-ah a changtunu a nih bakah a channa dang langsar deuh zingah Star Trek, Guardians of the Galaxy, Avengers: End Game leh Pirates of the Caribbean: The Curse of the Black Pearl te pawh a tel.
A hmaa record siamtu Scarlett Johansson channa hrang hrang sum lak luh belhkhawm chu dollar tluklehdingawn 16.4 a ni a, top 5-ah Scarlett-i’n Marvel film-a a chanpui thin Samuel L Jackson, Robert Downey Jr. leh Chris Pratt te an lang bawk.
Hollywood star zinga film channa sum hmuchhuak tam ber Zoe Seldana
