Ella Langley hla hit “Choosin’ Texas” chu Billboard Hot 100 (US singles) chart-ah a No.1 a, he chart-a kar 12 chin No.1 ni thei hla 25-na a ni a, hmeichhe zaithiam (mipa zaipui tel lovin) zingah chuan hla pakhat kar 12 chin No.1 pui thei pangana a ni bawk.
Hmeichhe zaithiam hla sak he chart-a No.1 ni rei thei ber chu Mariah Carey “All I Want for Christmas Is You” niin, 2019 leh 2026 inkarah kar 22 a No.1 tling tawh a, Carey hla dang “We Belong Together” chu 2005 khan kar 14 a No.1 tawh a, Whitney Houston “I Will Always Love You” chu 1992-93 khan kar 14 a No.1 a, Brandy & Monica “The Boy Is Mine” chu 1998 khan kar 13 a No.1 thei bawk.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni. Ella Langley “Choosin’ Texas” hian kar khat chhungin stream maktaduai 25.8, radio airplay ngaithlatu maktaduai 49.7 leh sales 9,000 nei lehin, hei hi a kar 12 nan chart-ah a No.1 pui leh ta a ni.
Chart No.1 hlui Taylor Swift “I Knew It, I Knew You” chu No.2-ah bawk a la awm a, Langley hla dang “Be Her” pawh No.3-ah bawk a la awm a, chart No.1 hlui Drake “Janice STFU” chu No.6 atangin No.4 a kai thar leh ta a, Olivia Dean “Man I Need” chu No.8 atangin No.5 a kai thar ve leh ta bawk.
Ella Langley leh Morgan Wallen “I Can’t Love You Anymore” chu No.9 atangin No.6-ah a insawn a, tihian Langley hian chart top 10-ah tum khata hla pathum a nei leh ta a, hetiang hi kumina vawi ruk a nei tawh a, kumin chart-a hetiang tawng ngun ber a la ni.
Chart No.1 hlui Ariana Grande “Hate That I Made You Love Me” chu No.7-ah bawk a la awm a, Tame Impala leh JENNIE “Dracula” chu No.10 atangin No.8-ah a insawn a, chart No.1 hlui Olivia Rodrigo “Drop Dead” chu No.5 atangin No.9-ah a tawlh a, chart No.1 hlui Bruno Mars “I Just Might” chu top 10 khartu niin, No.10 a ni bawk.
Hot 100 chart-ah Ella Langley “Choosin’ Texas” kar 12 a No.1 ta
