Yemen-a Houthi helte chuan Saudi khawpui, Riyadh-a Aramco hmunpui an bei tih an sawi a, hetih lai hian Iran-in a puih pawl leh Saudi-in a thlawp khawvelin a pawm sorkar sipaite inkara inbeihna a nasa zel bawk.
Houthi sipai thupuangtu, Yahya Saree-a’n Inrinnia X-a a tar lan dan chuan an pawl hial ‘ballistic missile leh drone hmanga beihpui thlakin’ Riyadh-a Aramco an bei a ni.
An beihna chu ‘ruahmanna fel sa leh chiang taka fuh’ a ni a, ‘kangmei a chhuah phah’ tih a tar lang.
Saudi thuneitute leh sorkar hnuaia tuialhthei buaipuitu lian, Aramco chuan beih an nih thu an sawi lo va, an hmunhmaa kangmei chhuah chhan an sawi lo bawk.
Inrinni khan Riyadh-a Aramco bulah chuan meikhu dum tak inphuh chhuakin a kang nasa hle tih hmuh theih a ni bawk.
Pathianni hma takah khan Saudi kaihhruai tangrual, Yemeni sorkar thlawptute chuan an sipaiten Tor al-Baha front leh Taiz axis-a Houthi awm tamna lai chu vawi 97 lai ‘ruahmanna fel tak nen’ indo thlawhna, drone, laipui, missile leh sniper hmangin an bei tih an sawi ve bawk.
Yemen-a sorkar sipai thupuangtu, Colonel Majed Abdullah al-Nazili-a chuan an chetnaah hian ‘a lo berah Houthi fighter 260 vel an thi a, an lirthei 44 vel tihchhiat leh che thei lova siam’ a nih thu a sawi.
Thla hmasa khan Houthi hian Saudi Arabia khawthlang lam vaukam, Red Sea lawng chawlhna, Yanbu-a Aramco hmunhma hi an lo bei tawh bawk.
Hemi tum hian Saudi Arabia chuan Taif leh Yanbu pana thlawk ballistic missile paruk an lo kap thla a, Aramco hmunah chhia engmah a awm lo niin an sawi.
Kar liam ta tir lamah khan Saudi kaihhruai tangrual chuan Houthi hian Muslim khawpui thianghlim, Medina-a power station chu Thawhlehni khan an bei niin an lo sawi tawh bawk.
Indona hi July thlaa kum 2022-a an ziah inkahhai derthawng tak a tlukchhiat atang khan a nasa thar.
September thla laihawl khan Houthi hian Mocha lawng chawlhna khawlpui leh tuialhthei phurhna kawng pawimawh tak, Bab al-Mandeb strait-a thliarkar pawimawh tak an la.
Indona a chhuah leh hnuah hian mi sang tel chuan himna zawngin an in leh lo an chhuahsan phah.
Yemen-ah hian Houthi-ten kum 2014-a an khawpui, Sanaa an lak hnuah indona chhuakin Yemeni sorkar chu Aden-ah an in
Houthi-ten Saudi-a Aramco hmunpui bei
