Indian batting star Virat Kohli chu Ningani khan ICC men’s ODI Cricketer of the Year 2023 atan puan niin, nikum India leilunga World Cup a khelh that rah a tel a ni.
Tun hi a tum lina atana he award a dawnna ni tawhin, nikum khan Kohli hi a chipui Shubman Gill dawta ODI run siam hnember a ni.
India captain hlui hian ODI run 1,377 siamin kum hlui kha a khar pha a, tah chuan century vawiruk leh half-century vawiriat a tel nghe nghe.
Nikum kha Kohli tan kum tha leh hriat reng tur zinga mi niin, the great Sachin Tendulkar-a ODI century record ding rei tawh tak akhum kum a ni a; India batter hian a ram chu World Cup final thlenpuiin Player of the Tournament prize a dawng a, match 11-ah 765 zet a puitlin hman.
Tuntum hi Kohli kuta individual ICC award vawi sarih a luhna ni tawhin, ODI category bikah chuan a vawilina a ni a, kum 2012, 2017 leh 2018 khan a lo dawng tawh bawk a ni.
Kum 2018 khan Test award pawh lo dawng tawh bawkin, kum 2017 leh 2018 khan ICC Men’s Cricketer of the Year lawmman Sir Garfield Sobers Trophy hlan a ni tawh bawk.
Kohli hian tuntum award semnaah hian lawmman dawng thei tura khalhfal dang Gill leh Mohammed Shami bakah New Zealand star Daryl Mitchell-te a hmakhalh a ni.
Cricketer of the Year Award 2023 erawh Kohli hian a chang zo ta lo a, Australian captain Pat Cummins kuta hlan niin, Cummins hian shortlist dang Australian ve bawk Travis Head leh Indian ve ve Ravindra Jadeja leh Kohli-te a hmakhalh.
Pat Cummins hian a ram chu ICC ODI World Cup leh World Test Championship title a lakpui ve ve a, midang tan cho mi rual a ni lo!
Cummins hian Sir Garfield Sobers Trophy for men’s Cricketer of the Year a dawn laiin England hmeichhe all-rounder Nat Sciver-Brunt chuan a award kawl lai humhimin Rachael Heyhoe Flint Trophy for women’s Cricketer of the Year a dawng ve leh bawk.
Cummins hi Australian zinga he trophy dawng thei pangana niin, Ricky Ponting (2006 & 2007), Mitchell Johnson (2009 & 2014), Michael Clarke (2013) leh Steve Smith (2015)-te’n an lo dawng tawh a ni.
Australia batter Usman Khawaja chu men’s Test Cricketer of the Year atan thlan niin, award dawng thei tura chhawpchhuah ve dang Australian run-scorer Travis Head, India spinner Ravinchandran Ashwin leh England batter Joe Root-te’n an ngam lo.
Sri Lankan Chamari Athapaththu chuan a tumkhatna atan women’s ODI Cricketer of the Year award dawngin, an ram hmeichhe cricketer zinga ICC award dawng thei hmasaber a ni.
England umpire Richard Illingworth kutah David Shepherd Trophy for Umpire of the Year a lut a, he chawimawina hi kum 2019 leh 2022 khan hlan a ni tawh.
Zimbabwe chu Spirit of Cricket Award dawngtu niin, nikum June thla Harare khaw men’s World Cup Qualifier match-a West Indies an hneh vang kha a ni.
ICC Men’s ODI Cricketer of the Year Virat Kohli leh bawk!
