IFPI Global Recording Artist- Taylor Swift
Taylor Swift-i’n record a siam leh ta! International Federation of the Phonographic Industry (IFPI) chuan Gobal Recording Artist of the Year Award a hlan a, Taylor Swift hi IFPI Global Recording Artist tum li a nihna niin, 2014, 2019, 2022 leh 2023-ah te he chawimawina hi dawngin, IFPI history-ah Global Recording Artist tum li ni thei hmasa ber a ni. He award hi kum khat chhunga khawvela artist an hla leh music hralh tha ber te hnenah hlan thin a ni.
IFPI Global Recording Artist of the Year Award hi kum khat chhunga khawvel huapa zaithiam ten an record an hralh tam dan atanga tehin award dawng tur thlan thin a ni a, an album leh hlate an hralh zat chhut nan hian physical sales bakah download sales leh streaming te pawh chhiar tel a ni.
K-pop lamin huang an zauh sawt hle a, IFPI top 10-ah pawh K-pop act pali an lang a- SEVENTEEN chu No.2 niin, Stray Kids (No.3), TOMORROW X TOGETHER (No.7) leh NewJeans (No.8) te an ni. Top 3-ah pahnih chu K-pop act an ni tlat. Hei bakah hian IVE leh NCT Dream te pawh a vawi khat nan IFPI Global Artist Chart Top 20-ah an lang a, No.12 leh No.15 an ni.
IFPI Global Recording Artist of the Year-a Taylor Swift a No.1 hi thil mak a ni hran lo, nikum lama a boruak thlir pawhin a awm hliah hliah zawk. A album ‘Midnights’ a tlangzarh bakah a album hlui a record thar leh ‘Speak Now (Taylor’s Version) leh ‘1989 (Taylor’s Version) ‘ a tlangzarh nawn leh te pawh Billboard 200 (albums) chart-ah No.1 an kei vek a, ram hrang hrang chart-ah pawh No.1 an kai a, heng album-a a hlate hi singles chart lama No.1 kai mai bakah top 10-a lang thei eng emaw zat a nei bawk. Hei bakah hian ‘The Eras Tour’ a neih pawh a hlawhtling rem rem hle a ni.
Top 20 IFPI Global Recording Artist Chart 2023
1 — Taylor Swift
2 — SEVENTEEN
3 — Stray Kids
4 — Drake
5 — The Weeknd
6 — Morgan Wallen
7 — TOMORROW X TOGETHER
8 — NewJeans
9 — Bad Bunny
10 — Lana Del Rey
11 — Ed Sheeran
12 — IVE
13 — SZA
14 — Eminem
15 — NCT DREAM
16 — Zach Bryan
17 — Travis Scott
18 — Kanye West
19 — Post Malone
20 — King & Prince