Inlaichinnaah in-care tawn a pawimawh a, chutih rualin in-care over leh lutuk chuan inlaichinna a tichhe zawk hlauh thei niin relationship lama mithiam ten an sawi. In-care dan chintawk kan thiam a pawimawh hle a ni.
I kawppui chuan i ngaihven leh lutuk chu a ngaithei lo deuh a nih chuan nawr lui suh. Mithenkhat chuan kan kawppui te kan ngaihven leh lutuk a, chu chu an tan ninawm lamah a kal thei. I ngaihtuah leh lutuk chu a ning/ngaithei lo deuh ni a i hriat chuan ramri fel taka kham thiam tum ang che. Nawr lui ang deuha i lan theihna chin te pawh a awm tih i hrethiam dawn nia.
A chetdan zawng zawng, a kalna leh a eng nge a tih, engin nge a kal, tute nge a hmuh tih te nena lama hriat vek tum kher lo la, a i ngaihtuah a, i care a nih pawhin a tawk chin a awm tih hria ang che.
I kawppui hnenah chuan i rilru puthmang te tha taka hrilh mai a tha. Mahse, sawichhuah hun erawh thlan thiam a pawimawh a, chuti lo chu in inhauh phah hlauh ang e. I sawi chhuah dan tawngkam pawh thlan thiam a pawimawh a, zawldawh leh tawngkam nem deuh zawk i hmang dawn nia. Chutih rual chuan i kawppui rilru tur awm te pawh i ngaihtuah tel thiam a pawimawh ang.
I ngaihtuah a ni tih chu tawngkain emaw, a harsatna tawh chungchang emaw sawi chuak kher lo va tihlan thiam a pawimawh khawp mai. Hun harsa leh khirh a tawh laia a tana lo awm theih leh a buaina hriatthiam pui te, eng nge a paltlang tih te hriatthiam pui la, tawngka a sawi chhuak kher lo pawhin a rilru tih thawven sak theih tur eng emaw ruahman thiam te a tha hle.
Miin harsatna an tawhin, keini ta zawk ila, tia an dinhmuna kan indah phawt loh chuan eng nge an tawh mek chu kan hriatthiampui tak tak thei thin lo. Chuvangin, a dinhmunah indintir thin la, tichuan engtia tih tur nge tih i hrethiam thei thin ang.
In-care uchuak a pawi thei
