Tunhnaia thli, ruah leh rial avanga in chhe zat report dan inang lo awm chu siamthat niin, in chhe zat hi 2938 a ni a, chhe vek chu 81 a ni.
Mizoram district 11-a District Emergency Operation Centre atanga State Emergency Operation Centre (SEOC) Aizawlin an dawn danin, in chhe vek (fully damaged) hi 81, nasa taka chhia (severely damaged) 483 leh a thenlai chhia (partially damaged) 2374, a vaiin in chhe zat chu 2938 a ni.
Heng in chhia tanpuina pek theih dan, State Disaster Response Fund (SDRF) norms ang chuan fully damaged leh severely damaged hi pucca house leh kutcha house ah pawh phai (plain area) ah chuan Rs. 120000 zel a ni a, tlang ram (hilly area) ah Rs. 130000 zel a ni a; partially damaged house (15% chin chhia) ah erawh pucca house-ah Rs. 6500 zel, kutcha house-ah Rs.4000 zel a ni tih sawia ni.
Heng chhiatna avanga nunna chan an awmin ex-gratia cheng nuai 4 pek theih a ni a, ran thi (vawk bikah) Rs. 4000 pek theih a ni tih sawi a ni bawk.
In chhe zat 2938
