Indian football team head coach thar atan Spaniard Manolo Marquez thlan fel a ni a, thla hmasa maia an ban tak Igor Stimac a thlak dawn.
Marquez hi Indian Super League club FC Goa head coach a ni mek a, Inrinni khan Indian men’s football team head coach ni tura ruat a ni a, club enkawl chungin national team a enkawl tel dawn a, Indian football-in thatpui tak ang maw?!
Inrinni khan New Delhi-ah All India Football Federation (AIFF) executive committee koh a ni a, he hunah hian Marquez chu head coach atan thlan a ni.
Senior Men’s National Team enkawl tura Manolo Marquez thlan a nih thu an puan rualin AIFF thuchhuah hian 2024-25 season atan bak an inrawih rei zawng tur an tarlang tel lo a, FC Goa head coach hna a thawh chhunzawm tur thu an sawilang tel thung.
Stimac kha June ni 17 khan India head coach atangin an ban a, 2026 FIFA World Cup qualifiers third round a luhpui zawh loh hnuah sawiselna nasa tak a tawk chho a, ban a ni zui ta a ni.
India boss thar Marquez
