India chuan October 11 khan multilateral rules-based international order leh sovereignty leh territorial integrity chu community strong tak Indian Ocean ngialnghet zawk siam nana pawimawh a ni tiin a sawi a. Helai bial hi China-in thunun tuma hma a lak mekna a ni.
23rd Council of Ministers Meeting of the Indian Ocean Rim Association (IORA), Colombo a neihah India External Affairs Minister S Jaishankar chuan Indian Ocean chu zalen leh inhawng leh huapzo in UN Convention on the Law of the Seas (UNCLOS), bakah Constitution of the Seas duh dan anga kalpui a ngai tiin a sawi a.
“Indian ocean region-ah first responder hmasa leh net security provider tha zawk kan nih theih nan nasa leh tha zawkin hma kan lak a ngai a ni,” tiin Jaishankar chuan India-in Vice-Chair role of IORA for 2023-25 a chelh hnuah a sawi a.
“Indian Ocean community chak zawk a awm theih nan multilareral rules-based international order, sovereignty leh territorial integrity zah bawk si kan kalpui a ngai a ni,” tiin a sawi.
Asia lian mek zel leh global rablancing thleng mekah Indian Ocean chuan a lailum a luah mek a, a chhehvel ramte hmasawnna atana pawimawh niin chumi tur chuan sumdawnna tha a awm theih nana thlawpna neih te, connectivity leh resource utilisation tha zawk te kalpui a ngai a ni, tiin Jaishankar chuan a sawi bawk a.
“Vasudhaiva Kutumbakam’ emaw ‘the world is one family’ chu IORA Member State te inlungruala kan awm theihna tur a ni,” tiin a sawi bawk.
Jaishankar chuan vice chair leh Troika member nihna angin India ngaih pawimawh chu a chiang tiin a sawi bawk a. “Indian Ocean community te ngelnghet leh tihchak leh hnianghnara siam hi kan tum a ni a, chumi tur chuan inlungruala kan thawhhho a ngai a ni,” tiin a sawi bawk a.
“He mi avang hian Indian Ocean chu zalen, inhawng leh huapzo bakah UN Convention on the Law of the Seas (UNCLOS), leh Constitution of the Seas duhdan anga kalpui a ngai,” tiin a sawi a. Hei bakah hian Sri Lankan te duhdana nga 1971 spirit chu kan hma lam hun min kaihruaitu turah hmang ila tiin a sawi bawk.
China chuan tun hnaiah strategy a neihah nasa zawkin South China Sea (SCS) leh East China Sea (ECS) chu a hauh na hle a, hei vang hian inbakkaihna a thleng lek lek reng fo a ni.
Jaishankar chuan India chuan Maritime Safety & Security leh Blue Economy chu ngaih pawimawh berah a nei dawn tiin a sawi bawk.
India-in rules-based international order duh zel
