him nan hma lak zel tum
India leh Japan chuan Indo-Pacific biala zalenna, inhawng leh dan anga kalpui a nih theih nan hmalak an tum thu an sawi nawn.
Japanese khawpui, Tokyo-a Thawhtannia Defence Policy Dialogue vawi 8-na neihah ram pahnihte hian an inkar leh khawvel huam himna thil hrang hrang an sawi dun a, an inpawh zel theihna turin an ngaihdante an inhrilh tawn bawk.
Indian palaite hi Defence Secretary Rajesh Kumar Singh-a kaihhruai niin Japanese palaite hi Vice Minister of Defence for International Affairs Kano Koji-a kaihhruai a ni ve thung.
Inbiaknaah hian ram pahnihte hian Defence Policy Dialogue hmasa atanga ram pahnihte ram venhimna lama thawhhona hmasawnna langsar tak takte an thlir a. Ram pahnihte hian thil thar chhuaka thawhhona thuk zawka kalpui theih dan tur an sawi dun a, chung zingah chuan ram venhimna thil siam chhuahna kawnga thawhhona, technology-a thil thar chin chhuahna, cyber security, van thengreng leh thil pawimawh dang inpek tawhte pawh a tel.
Dialogue-ah hian ram pahnihte hian ram venhimna thila an thawhhona hrang hrang an thlirletna a, sipai leh sipai inpek tawn te, joint headquarters-te thawhhona, tuipuia thawhhona, sipai nunchan zir dun, theihna intihpunsak tawn, hmanrua leh technology-a thawhhona, tuipuia technology leh hmanrua leh inbiakpawhna tihchangtlunna te a tel.
Ram pahnihte chuan ram venhimna kaihhnawiha thawhhona tihzau a ni zel chu lawmawm an tih thu sawiin hotu liante inbiak leh inbiakna kalphung mumal tak neih a pawimawh thu an sawi a. Kumin kum tawp lama 2+2 Dialogue awm tura minister-ten an intlawh turah thil sawi chhuah an neih theih turte an sawiho bawk.
Indian defence secretary chuan ram venhimnaa Japan-in India a thawhpui zel chu lawmawm a tih thu sawiin, India-Japan Special Strategic & Global Partnership hnuaia a taka thawhhona a pawimawh thu a sawi.
Koji-a pawhin Japan-in India nena venhimnaa an inzawmna chu a ngaih pawimawh hmun hrang hrangah tihzauh zel a tum thu a sawi ve bawk.
Defence Secretary Singh-a hian an inbiak hma hian Japanese Defence Minister Shinjiro Koizumi a kawm hmasa a, Defence Minister Rajnath Singh-a’n chibai bukna a thawn a hlan a. Ram pahnihte chuan India-Japan Special Strategic & Global Partnership chakna sang zel chu an nemnghet nawn leh a ni.
India & Japan ten Indo-Pacific him nan hma lak zel tum
