UK-in steel-a chhiah lak dan tur a siama India a lungawi lohna chin fel niin Britain leh India inkara free trade deal (FTA) tihkhawtlai phah hret pawh thla leh atang hian hman tan a ni dawn ta.
Britain leh India hian nikum khan hun rei tak chhunga an duhthusam angin FTA an siam a, US President Donald Trump-a’n ram dang laka chhiah a lak vak vak avanga buaina a awm hnuah khawvel economy lian ber pangana leh parukna ram hian kawng hrang hranga inremna an siam a ni.
UK sorkar chhinchhiah danin he inremna hian British GDP chu £ tluklehdingawn 4.8-in a tisang dawn a, hun rei tak chhungin ram pahnihte insumdawn tawnna chu £ tluklehdingawn 25.5-in a tipung dawn bawk.
Inremna hnuaiah hian India chuan kum 10-naah whisky atanga chhiah a lak chu 150% atangin 40%-ah a tihhniam dawn a, chuan Britain thawmhnaw, pheikhawk leh ei tur thenkhata chhiah lak chu 100% atangin 10% hnuaiah a awm ve bawk ang.
Nilaini khan ram pahnihte hian July 15 atangin sumdawnna thuthlung an siam chu kalpui an remti a, hei hi France-a G7 summit-a British Prime Minister Keir Starmer leh Indian Prime Minister Narendra Modi-a an inbiaknaah an pawm a ni.
Modi-a chuan X-ah, “India leh UK inlaichinna atana thil pawimawh tak a ni,” a ti a, inremna siam hian ‘kan ram pahnihte insumdawn tawnna leh investment nasa takin a tipung dawn’ tih a tar lang.
Indian thuneitute chuan a hma khan July 1 atanga hman tan tur inremna hi UK-in steel-a hma a lakna tharin nghawng a neih dan tur thlir chungin FTA hi sawi that leh emaw, hman tan hun sawn emaw a nih tur thu an lo sawi tawh.
Khawvel puma inpekna sang zelah a ram chhunga industry venhim nan Britain hian steel-a chhiah lak lohva a kalpui thin chu nasa takin a tihhniam dawn a, thla leh atang chuan hetiang a thawn chhuahah chhiah sang a la tawh dawn a, an kalphung tur chipchiar erawh tihfel a la ni lo.
Indian sorkar chuan Nilaini khan India thil thawn chhuah 85% chu Britain-in steel a kalpui danin a nghawng dawn lo tih a sawi a, he hmalaknain a huamte pawh quota leh kawng dang hmangin an lut thei dawn tih a sawi.
FTA hi ziah atanga kum khatah hman tan a ni dawn a, Britain chuan an ziah hnua thil thleng rang ber a nih thu a sawi a ni.
British Business & Trade Secretary Peter Kyle chuan thuchhuah siamin, “He inremna hian British atanga thil thawn chhuaktute chu khawvel huapa an elpuite aiin thui a thlentir phah a ni,” a ti.
India leh UK-in July 15 atangin FTA hmang tan dawn
