Mizoram Basketball Association (MBBA) chuan kum 2009 atanga bul a lo tan tawh, Inter School Basketball inelna chu a tum 16 nan buatsaih leh tumin a inpeih ta!
He intihsiakna hi August ni 3 (Monday), 2026 ah tan tura ruahmanna siam a ni a, inelna hian hun a lak rei lohna tur leh remchan zawkna avangin Hawla Indoor Stadium, Republic Vengthlangah leh Chawnpui Indoor Stadium-ah te neih a ni ang.
MBBA-in Mizoram Super League (MSL) leh Inter School Championship a buatsaih thinte hian Mizoram mai ni lo, India ram a nghawr pha hial thin a, damchhunga hriat reng tawh tur he inelna pahnihah hian mi tam takin an lo hnutchhiah tawh!
Inter school bik hi boruak a sosang thin hle a, R. Dengthuama Indoor Stadium-ah meuh pawh inkhel chhimtu an fuankhawm tam avangin an len thin loh laia, kumina inelna hmawrbawkna neihna tur Hawla Indoor Stadium chhung boruak pui dan tur hi ngahhlelhawm tham a ni.
He inelnaa tel thinte hi Mizorama zirna in tha kan neihte an ni deuh zel a, zirna piah lamah inelna thianghlim tak an neih theihna kawng MBBA in a buatsaih thin hi an la thu tak thei hle.
Zirlai nu leh pa ten an fate basketball khelh thiam chhawrin, thlakhlehtham full scholarship an dawn theih mai bakah hamthatna hrang hrang he inelna ah hian haichhuah tur a awm a, bengkhawn tham a ni.
A tawi zawngin sawi ila, India ramhuapa basketball hmanga sikulte inelna pui ber leh huhang ngah ber intihsiakna lo awm turah hian sikul tha te an inel leh dawn a, mipui mit Inter School lamah a fu leh thup dawn e.
Tun hnai kum nga chhung bik record tawi:
Higher Secondary School (Boys) Champion Year
Mt. Carmel bt St. Joseph Mt. Carmel 2025
Mt. Carmel bt St. Joseph Mt. Carmel 2024
St. Joseph bt Mt. Carmel St. Joseph 2023
Mt. Carmel bt St. Joseph Mt. Carmel 2022
Mt. Carmel bt Govt. Mizo HSS Mt. Carmel 2019
High School (Boys) Champion Year
Home Missions bt Living Water Home Missions 2025
Mt. Carmel bt St. Joseph Mt. Carmel 2024
St. Joseph bt Home Missions St. Joseph 2023
St. Joseph bt Govt. Mizo Mt. Carmel 2022
Home Missions bt Mt. Carmel Home Missions 2019
Middle School (Boys) Champion Year
Home Missio ns bt Graceland Home Missions 2025
Graceland bt Living Water Graceland 2024
Graceland bt Holy Heart Graceland 2023
LMS bt Helen Lowry LMS 2022
Holy Heart bt GCS Holy Heart 2019
Girls (Open) Champion Year
Mt. Carmel bt St. Joseph Mt. Carmel 2025
Mt. Carmel bt St. Pauls Mt. Carmel 2024
St. Pauls bt Mt. Carmel A St. Pauls 2023
St. Joseph bt St. Pauls St. Joseph 2022
St. Pauls bt Govt. Mizo St. Pauls 2019
Primary (Boys. Last 2 yrs) Champion Year
Graceland bt CLS Academy Graceland 2025
Graceland bt JC Elementary Graceland 2024