India chuan Tesla Inc. nen inremna ansiam fel thei tep tia sawi niin nakum atang chuan US automaker te chuan an electric car chu India ramah thawn tan thei dawnin kum hnih chhungin factory an din nghal bawk ang tia sawi a ni.
January thlaa Vibrant Gujarat Summit neih hunah inremna puana ni ang tia bsawi ni bawkin Tesla te factory din nan hian Gujarat, Maharashtra leh Tamil Nadu te chu buk mek an ni a, a chhan pawh electric vehicles leh export lamah ecosystem tha an neih sa vang tia sawi a ni bawk.
A tirah Tesla chuan a tlem berah $2 billion investment a ti nghal dawn a, auto parts te nena chhiar chuan $15 billion vel kai thei tura ngaih a ni bawk a. A man tihhniama nih theih nan tesla te chuan India ramah battery siamna din an tum tih a ni bawk.
Thutlukna siam erawh a la ni lo va. tesla Chief Executive Officer Elon Musk an June thlaa India a tlawh tumah erawh kha chuan Tesla chuan India ramah ‘investment liantham’ tih an tum thu a lo sawi tawh thung.
Khawvela mihring tamna ber ni mek leh middle-class customer pun chakna em em India rama inbun chu Tesla tana hlawkna ni tura ngaih a ni a. Tesla te hian tun dinhmunah US< China leh Germany ah te factory an nei a. Modi sorkar chuan cleaner transport duhin EVs lam uar a kalpui a ni.
Tichung chuan India bikah EV market in awmzia a la nei vak lo va, nikuma passenger vehicle hralh atanga 1.3% chauh battery-powered a ni. Tesla te hian India ramah chhiah laksan em avangin car a la thawnlut duh lo bawk.
Trade Minister Piyush Goyal chuan tun thal tir lam khan California a Fremont a Tesla plant a tlawh bawk. Tesla te chuan car parts lei nan India an hmang nasa thung a, nikum khan $1 billion hu vel part India atangin an lei tia sawi a ni.
India ramah Tesla ten inbun an tum dawn
