India sanghamantute Sri Lanka in man
Nimin, pathianni khan Indian sanghamantu 12 te chu Sri Lanka navy ten an lawng nen an man thu an sawi.
Heng sanghamantute hi inrinni khan Akkaraipettai atanga chhuakin Sri Lanka ramri hi an va pel nia sawi a ni a, Mayiliddy Harbour, Sri Lanka lamah man an lo tawk ta a ni.
Heng mite hi an hming leh awmna hmun hriat vek a nih tawh thu sawi a ni a, an vai hian kum 22 atanga 50 inkar an ni hlawm.
India leh Sri Lanka in tuipuia an inrina lai hmun hi inkalpawh awl tak a ni a, sanghamantute hian an hriat loh vanga thleng palh an nih rin a nih thu report thenkhat chuan an tarlang hlawm. Sri Lanka mi leh sate pawh India lam hian an lo man ve fo tawh thin bawk a ni.
Heng mite awm zel dan tur chungchangah hian India chuan thuchhuah engmah a la nei lo a, sanghamantute leh an lawng hi Tamil Nadu sorkar chuan an state ami ngei an nih thu erawh an tichiang tawh a ni.
India sanghamantute Sri Lanka in man
