Site icon The Aizawl Post

India tana India Open taekwondo khel tur Mizote fehchhuak

November ni 20-26, 2026 chhunga Pune, Maharashtra-a khelh tur G1 India Open International Championship hmachhawn turin player paruk awmna Mizoram taekwondo team chuan Pune an pan a, India ai an awh dawn a ni.
India Open hi World Taekwondo calendar pawimawh tak zinga mi niin, ranking tournament zinga pakhat a ni a; khawvel hmun hrang hrang atangin an khelh tur an tichiang tawh a ni.
Mizoram atanga khel phakte pawh hi India-a ranking nei pha chin thiau an ni a; chu’ngte chu senior player pathum bakah India number one ni lai leh World Police Meet-a India aiawh tur ni nghal bawk Lalthlamuanpuia pawh a khel dawn a’ cadet player hmeichhe pathumte India tan an inlan dawn bawk a ni.
He championship hi Olympic kalkawng atan kailawn pawimawh tak zinga mi a ni a, an thlen san dan angin point an khawl dawn a ni.
India tana khel turte:

1. Arella Roluahpuii ITI Veng Cadet Female Poomsae Individual
2. Lalthlamuanpuia Aizawl Venghlui Senior Male Poomsae Individual
3. Esther vanlalhumhimi Aizawl Venglai Cadet Female Under – 37kg
4. Grace B. Lalruatzeli Aizawl Venghlui Cadet Female Under – 55kg
5. R. Lalbiaknuami Aizawl Edenthar Senior Female Under 49kg
6. Samuel Lalnunmawia Thenzawl Senior Male Under 63kg
7. Robert Laltluangkima New Serchhip Team Coach

Exit mobile version