India U-23 Football Team-ah Mizo pali

India U-23 Football Team-ah Mizo pali
India Under-23 men’s football team head coach Naushad Moosa chuan Pathianni mai khan Arunachal Pradesh-a ram pathum inelna Tri-Nation Friendlies khel tur India U-23 football squad a puang a, koh zingah Mizo footballer pali an tel!
India tana Bhutan leh Tajikistan hmachhawn tur Mizote chu midfielder pathum – Lalremtluanga Fanai, Lalrinliana Hnamte leh Zothanpuiate bakah forward Lalthankima a ni.
Kumin September thlaa khelh tur AFC U-23 Asian Cup 2026 Qualifiers atana inbuatsaihna Tri-Nation Friendlies hi March ni 25-31 chhungin Golden Jubilee Outdoor Stadium, Yupia, Arunachal Pradesh-ah khelh a ni dawn a; India U-23 hian March ni 28 khian an bultannaah Bhutan tumin, March ni 31-ah Tajikistan an su zui leh ang a, match zawng zawng hi zan dar 7-a khelh tan tura ruahman a ni.
Tun hi nikum maia hlawhtling taka SAFF U-19 Championship lo dawl tawh bik Arunachal Pradesh state-in international football event tum hnih an thlenna tur a ni ta der bik mai!
Indian men’s U-23 team hian karliamta Nilaini khan Tri-Nation Friendlies-a an tum tur pakhat zawk Tajikistan chu international friendly khelhpuiin, TALCO Arena, Tursunzoda-ah 2-3-in an tlawm!
India U-23 Squad
Goalkeepers: Dipesh Chauhan, Mohanraj K, Priyansh Dubey.
Defenders: Dippendu Biswas, Harsh Palande, Pramveer, Ricky Meetei Haobam, Ronney Kharbudon, Sanatomba Singh Yanglem, Subham Bhattacharya.
Midfielders: Ebindas Yesudasan, Lalremtluanga Fanai, Lalrinliana Hnamte, Macarton Louis Nickson, Mohammed Sanan K, Shivaldo Singh Chingangbam, Tomba Singh Haobam, Vinith Venkatesh, Zothanpuia.
Forwards: Adison Singh Thokchom, Lalthankima, Muhammed Ajsal, Suhail Ahmad Bhat, Thoi Singh Huidrom.