Indian Army Tornadoes ten motorcycle stunt record siam

Indian Army Tornadoes ten motorcycle stunt record siam
Indian Army hnuaia Army Service Coprs (ASC) Motorcycle Display Team, Tornadoes an tih te chuan motorcycle stunt chi thum hmangin December ni 10 khan Guinness World Records an siam.
ASC Tornadoes member, Sumit Tomar chuan hands-free motorcycle wheelie record siamin, Subedar Pradeep SS chuan hnunglam hawi chunga motorcycle khalh thui ber record a siam bakah Havildar Manish chuan no-hands motorcycle wheelie thui ber record a siam bawk.
Hands-free motorcycle wheelie-ah hian motorcycle hma chawi kang chungin, a khalhtu chu a thutna (seat) a thu a, no-hands motorcycle wheelie-ah hi chuan a hma chawikang chungin a handle bar vuan lovin, a footrest chauh hmangin an in-balance ve thung.
Sumit Tomar hian hand-free wheelie hi meter 1,715.4 a thui tiin record a siam a, Havildar Manish hian hands-free wheelie record i km 2.3 a thui tiin record a siam bawk. Subedar Pradeep hian km 361.6 a thui hnunglam hawi chunga motorcycle khalhin record hi a siam bawk a ni.