Indona avanga Sudan mipui thi tam UN in a vei
Sudan a UN official senior Clement Nkweta-Salami-i chuan Sudan tualchhung buaina avanga thil sual rapthlak tak tak thleng chu enliam a harsat tak zet thu sawiin, Rapid Support Forces (RSF) in civil mi tam tak an thahte phei chu enliam a harsat zual thu a sawi.
He a thusawi hi RSF in kar liamta chhunga khaw hrang hranga beihpui an thlaknaa mi 124 vel an thi nia sawi a nih hnuah a ni a, hei hi RSF lam chuan pha thungin, civil mi an beih loh thu leh sipai ralthuam keng chauh an beih thu an sawi thung.
Thla 18 chhung zet Sudan rama buaina chhuak hian awh tawhin, mi nuai sawm chuang an thi tawh nia sawi a ni a, mi maktaduai 11 chuangin chenna tur in leh lo nei lovin relief camp hrang hrang an bel hlawm a ni.
Civil mi chenna in leh lo nei lote zingah hian thil sual rapthlak tak tak tihna a thlen nasat bakah hmeichhia leh naupangte an him lo hle bawk nia sawi a ni a, UN chuan theih ang angin tanpuina thawkin, silhfen bakah ei leh in tur pe bawk mah se buaina hi a reh mai theih loh avangin hmalak zung zung a har hle niin sawi a ni bawk.
Indona avanga Sudan mipui thi tam UN in a vei
