Indonesia Masters khelh mekah Indian inlan zawng zawng an tla fel
Jakarta khawpuia US dollar 500,000 semralna tur Indonesia Masters badminton tournament kal laiah nimin khan Indian star shuttler pahnih PV Sindhu leh Lakshya Sen an tlawm a, tournament kal laiah Indian player an tla zo ta!
Women’s singles quarter-final match pakhatah Sindhu hi World No. 4 Chen Yu Fei of China lakah minute 42 chhungin 13-21, 17-21-in a tlawm a; kum 2019 atang khan top seed Chen Yu Fei lakah Sindhu hian hnehna a chang leh ngai ta lo.
Chinese Fei laka two-time Olympic medallist Sindhu chak hnuhnunber chu kum 2019 daih tawh kha niin, Jakarta khaw Super 500 event-a a tlawm leh nen head-to-head tehnaah Sindhu hi Fei lakah 6-8-in a hnufual ta a ni.
Men’s singles last eight match lamah 2021 world championships bronze medallist Lakshya chu 18-21, 20-22-in Thailand rising talent Panitchaphon Teeraratsakul chuan minute 46 chhungin a vaw tla.
Kum 21-a upa year-old Thai hian pre-quarterfinal lamah pawh player tawnhriat ngah tawh dang 2024 Paris Olympics bronze medallist Lee Zii Jia of Malaysia a lo hneh tawh a ni.
Ningani khan Indonesia rama tournament kal mek atangin Indian player dang Kidambi Srikanth chu men’s singles competition atanga tlain, Anmol Kharb pawh women’s singles atangin a tla ve bawk.
Ningani vek khan pre-quarterfinal lamah men’s doubles pair Hariharan Amsakarunan leh MR Arjun pawh an tlawm a; first round lamah Indian pair pahnih an tlak tawh avangin women’s doubles lamah phei chuan Indian an fai thiah hma lehzual!
Indonesia Masters khelh mekah Indian inlan zawng zawng an tla fel
