Industrial Centre-a plot pekte hmang tangkai thuai turin duh
Adviser to Chief Minister (Implementation of Handholding Scheme) Dr KC Lalmalsawmzauva chuan Ningani khan Integrated Industrial Development Centre Zote hmunhma a enfiah a. IIDC-a industry din tura plot an pek tawhte chuan an dil ang ngeiin an project tan thuai se a duh tih a sawi.
IIDC Zote-a tui leh eng mamawhna phuhru tur a awm thuai theihnan hotu sang zawka a thlen tur thu a sawi a. IIDC hmun hi enterpreneur tam zawkin an hman tangkai a, plot la awl chu tih tak takna nena bul tan duhte tan pek tha a tih thu leh, Champhai District Industrial Committee thu thuai se a duh tih a sawi bawk.
IIDC Zote-a flatted factory sak mek pawh tlawh nghalin, tangkai taka entrepreneur-ten an hman a, mipuiin a hlawkna an chhawr thuai theihnan hnathawh tur hmabak la awm chu zawh a nih thuai theihnan Commerce & Industry department hotute chu chak taka hma la turin a chah a ni.
Adviser to CM hian Tualcheng-a Sawhthing Secondary Collection Centre a tlawh nghal a. SCC enkawltute nen inkawmin hma an lak tawh dan leh hmachhawp a enpui a; kuthnathawktuten an thawhrah an hmuh ngei theinan dik leh fel taka thawk a, thlirlet leh theih tura document tha taka vawng turin SCC enkawltute chu a chah.
Industrial Centre-a plot pekte hmang tangkai thuai turin duh
