International Literacy Day-ah Meichher Golden Jubilee Special Edition 2025 tlangzarh
Nimin khan Adult Education Wing, School Education Department buatsaih, ziak leh chhiar thiam hlutzia leh a pawimawhna inzirtirna “International Literacy Day 2025” lawmna hun hman a ni a; he hun hmanpuitu Home Minister K. Sapdanga chuan ULLAS booklet, Meichher Digitization leh Meichher Golden Jubilee 2025 Special Edition & Souvenir te a tlangzarh.
Home minister chuan, ziak mite cho chhuahna rilru pua, thu tha hmanga hmasawnna kawng a tam thei ang berin an chhiar theih nana Meichher buatsaihtute thahnemngaihna chu an hlawhtlinna chhan nia a ngaih thu a sawi a, rual u zawk ten thangtharte chu hmasawnna nghet nei tura kaihruai turin a fuih nghal bawk.
Minister K Sapdanga chuan Digital Era-a kan chen tawh thu sawiin, kumin thupui “Promoting literacy in the digital area” a nih anga digital publication tlangzarh a ni chu a inrem hle tih a sawi a. Internet khawvelah kan chen hnuin digital media atanga kan duh zawng koh chhuah mai a awlsam tawh tih sawiin, literacy digital publication chu khawvela literacy-in a thlen san theih ber nia a hriat thu a sawi bawk a ni.
R. Lallianzuala, Chairman, Meichher Golden Jubilee Special Edition Sub-Committee chuan Meichher Golden Jubilee 2025 Special Edition & Souvenir chungchang sawi hawnna a nei a. School Education Minister Dr. Vanlalthlana “International Literacy Day 2025” thuchah chhiar chhuah a ni bawk.
International Literacy Day-ah Meichher Golden Jubilee Special Edition 2025 tlangzarh
