Mizoram MLA inthlanpui neih turah Mamit district-a sector officer/ magistrate mi 15-te an hriat tur tul inhrilh a ni.
Training kaihruaitu district election officer VL Remliana chuan Mamit district huamchhunga MLA inthlan atana section officer/ magistrate-te chu an duty-na huamchhunga polling party tinte enkawl dan, report pek dan, inthlanna hmanrua EVM leh VVPAT a harsatna awm thei hrang hrang chinfel dan leh report dan fimkhur leh uluk taka an ngaihtuahna hmang turin a chah a. Inthlan felfai tak neih theih nan leh mitinin zangkhai taka vote an thlak theihnan thawk ho tura sawmin, magistrate awmzia inhrilhfiah a ni.
SDO (Sadar) Carolyn LB Khiangte chuan Election Commission-in sector officer/ magistrate-te hna tura a tarlante a zirtir a; sector magistrate-te hian an hriatthiam loh lai, harsatna la awm palh thei thil leh chu’ng a lo thlen palh pawha chinfel thuai theih dan zawtin an sawiho a ni.
Mamit district-ah hian Assembly constituency pathum – Hachek, Dampa leh Mamit a awm a, an vaiin voters 64787 an awm. Section officer pakhat hian polling station 8 atanga 10 an chang/vil a ni.
Inthlana duty turte inzir
