IOC member thar tur Michelle Yeoh

IOC member thar tur Michelle Yeoh
Oscar dawng tawh lemchan thiam, Malay-sian junior squash cham-pion pawh lo ni ve tawh Michelle Yeoh kha Inter-national Olympic Commi-ttee (IOC) member ni tura an rawt thar mi pariat zingah a tel a, thla thar hian Mumbai khuaah IOC rorel an thukhawm dawn a, tah chuan mem-bership chungchang hi tihfel a ni ang.
Yeoh hi khawvel lem-chan hmunpui Holly-wood-a Asia mi kan hmuh langsar zinga pa-khat niin, tunah kum 61 mi a ni a, kumin March thla khan ‘Everything Everywhere All at Once’ tih film-a a chetthat avangin Oscars semnaah best actress award a dawng a, Asian hmei-chhe zinga he chawi-mawina ngaihhlut hlawh dawng thei hmasaber a ni.
Infiamna lam nen pawh thuk taka inzawm-na nei a lo ni reng a; Malaysian junior squash champion a nih tawh bakah a pasal, French pachal Jean Todt hi Ferrari Formula 1 head hlui a nih bakah motor intlansiak thuneitu sangf ber FIA president hlui a ni bawk.
IOC member ni tur hian Yeoh bakah Israel mite zinga Olympic me-dallist hmasaber Yael Arad, Hungarian busi-nessman leh sports ad-ministrator ni bawk Balasz Furjes, Peru atanga Olympic medallist leh politician hlui Cecilia Roxana Tait Villacorta leh German sports entre-preneur Michael Mronz-te chu IOC Executive Board lamin member ni tura a rawt zingah an tel.
Rawt dang lehte chu Sweden mi leh Interna-tional Table Tennis Fede-ration hotupa ni bawk Petra Soerling leh Inter-national Skating Union president South Korean Kim Jae-youl an ni a; Tunisian Olympic Co-mmittee president Meh-rez Boussayene pawh ex-officio member atana thlan theih tura chhawp-chhuah a ni.
IOC president Tho-mas Bach chuan member thar ni tura an rawtte chu hringnun zinkawng peng hrang hranga tawnhriat hlu tak leh thiamna ri neitute an nih thu a sawi a, an zavai chuan sport-a tuina nei vek an nih thu leh Olympic hlutna hre mi an nih thu a sawi.
Yeoh hian kum 1997 James Bond film Tomo-rrow Never Dies-ah khan Hollywood-ah hming a rawn chher tan a; kha film-ah khan Pierce Brosnan nen changin, Chinese nu lemah a chang a, Asia-ah chuan celebrity rawn ni chho nghalin, Hong Kong-ah hming a chher zui zel.
Martial arts movie lar Crouching Tiger Hidden Dragon-ah pawh chang-in, 2005 period drama Memoirs of a Geisha leh 2018 romantic comedy Crazy Rich Asians tihte chu a hmingchherna dang.